Дэлгэрэнгүй
Татаж авах Docx
Дэлгэрэнгүй уншаарай
Дараагийн асуултыг Бенинээс нягтлан бодогч Эрхэм Дагба Андре тавина.Mr. Dagba Andre: Их Багшид баярлалаа. Нийт хүн төрөлхтний төлөө Таны хийж буй зүйлсийг мэддэг хүмүүсийн хувьд “Баярлалаа Танд” гэж хэлэх нь хэзээ ч хангалттай байдаггүй. Ийм учраас миний бие даруухнаар “Их Багш аа Танд баярлалаа” гэж хэлэхээр ирсэн. Хүндэт Их Багш аа, манай конференцын сэдэв бол “Гарагаа аврахын тулд органик веган байгтун” юм. Гэхдээ бидэнд юу ажиглагдаж байна вэ? Өнөө цагт өсвөр насныхан сонирхохгүй байна, нийгмийн асуудалд бус харин хувцас загвар, чиг хандлагуудыг илүү их сонирхож байна. Их Багш аа Таны бодлоор, багш нар бид уур амьсгалын өөрчлөлтийн АЮУЛД ОРЛОО илгээлтийг тэднийг татахуйцаар хэрхэн хүргэж болох вэ? Баярлалаа Их Багш аа. (Баярлалаа.)Master: Тийм ээ, Эрхэм Дагба, сайн байна уу. Санаа тавьж байгаад тань мөн өнөөдөр бидэнтэй хамт энд байгаад тань баярлалаа. Гарагаа аврах талаар шавь нартаа мэдээлэл өгөхийг хүсэж байгаад тань би их баяртай байна, учир нь энэ бол тэдний одоогийн болон ирээдүйн гэр бөгөөд, тэд магадгүй үүнийг хийхийг хүснэ, туслахын тулд тэд ямар нэг зүйл хийхийг хүсэж болох юм. Өсвөр насныхан яг одоо тулгамдаж буй асуудлууд бус хувцас загвар болон бусад зүйлсийг илүү их сонирхож байна. Гэхдээ тэд хамгийн оюун ухаан нь нээлттэй хүмүүс юм.Тэд оюунлаг, тэд хөнгөн, нөлөөнд автамтгай үнэнч хүмүүсийн бүлэг. Дэлхийн дулаарал өөрсдийнх нь амьдрал нөлөөлөхийг холбож ойлговол тэд үнэхээр магадгүй ямар нэг зүйл хийхээр шийднэ. Та нар гайхах болно. Ялангуяа тэдний хийж чадах зүйл үнэхээр өөрчлөлт хийж чадна гэдгийг ойлговол магадгүй тэд үйлдэл хийх эхний хүмүүс байна байх. Тэдэнд тантай адил сайн манлайлагч хэрэгтэй. Саяхны хоёр судалгаагаар залуу хүмүүсийг сайн дураар ажиллах, өөрсдийгөө зориулах хүмүүс байхыг олж тогтоосон. Энэ насны залуу хүмүүс маш их энергитэй, хамгийн халамжтай хүмүүс байж чаддагийг л хэлж байна.Иймд тэдэнд халамж, хайраа харуулах арга зам олоход нь туслах замаар тэдэнд та урам зориг өгч болно. Дэлхийн дулаарал үнэхээр ямар тулгамдсан болохыг харахад нь тэдэнд тусалж болно. Дэлхийн дулаарлын хүний талыг, үүнээс болж зовж шаналж буй хүмүүс болон амьтан(-хүмүүсийн) түүхийг та тэдэнд харуулаарай. Жишээ нь, байшингуудыг нь усанд автуулах ус ирэхийг харж байгаа, эсвэл зарим тохиолдолд нэмэгдэж буй далайн түвшний улмаас хэдийнээ усанд автсан арлын улсуудын нүүх, нүүхээ төлөвлөх шаардлагатай гэр бүлүүд. Эсвэл нядалгааны газруудад амьтан(-хүмүүстэй) хэрхэн хүнлэг бус харьцдагийг эсвэл гоо сайхны туршилтууд - үүний талаар олон кино бий. Бид тэдгээрийг Суприм Мастер Телевизээр гаргадаг.Энэ бол төсөөлшгүй хэрцгийлэл. Энэ бол хүний ёс суртахууны хэм хэмжээнээс гадуур юм. Ийм байдлаар амьтан(-хүмүүстэй) харьцах нь бидний эрхэм чанараас доогуур юм. Иймд, амьтан(-хүмүүс) хүмүүсийн мэдрэх амтны төлөө хэрхэн зовдог талаарх зарим нэг ийм үнэнийг харуулбал та сурагчдын энэрэнгүй чанарыг сэрээх бөгөөд энэ тухайд юу хийхээ тэд шийдэх болно.Эсвэл, та нүүдлийн шувуу(-хүмүүс) үүрээ засах газраа олохын тулд хэрхэн холоос хол нисэх хэрэгтэй болж байгааг, туйлын баавгай(-хүмүүс) мөсгүй болсны улмаас, улам л хол сэлэх хэрэгтэй болж заримдаа ядарч туйлдаснаас болж живэх хүртлээ сэлж байгааг харуулж болно. Эсвэл сүүлийн жилүүдэд хөрш орнуудад яагаад ийм их үер, ийм их гамшгууд болж байна вэ, гэх мэт, гэх мэт...Дэлхийн дулаарал хэрхэн бодит амьдралд, бодит амьтан(-хүмүүс), бодит хүмүүст нөлөөлж байгааг, мөн өөрсдийнх амьдралд ч бас нөлөөлж байгааг хэлээрэй. Тэгвэл хүүхдүүд уур амьсгалын өөрчлөлтийг зогсоох нь бусад бүх зүйлсийн – өмнө байхыг ойлгоно, тэдний хувьд энэ дэлхий дээрх чухал бүхний өмнө, тэр ч байтугай тэдний ажил, тэдний мөнгө, хөгжилдөхийн ч өмнө – учир нь тогтвортой уур амьсгалгүй, амьд гараг үгүй бол хэн ч таашаахыг хүссэн зүйлсээ таашааж чадахгүй, эсвэл хийхийг хүссэн зүйлсээ хийж чадахгүй. Иймд, залуу хүмүүст итгэл найдвар байсаар байгааг; бид гарагаа аварч чадахыг харуулах нь мөн чухал юм.Та үүнийг хэлэх боломжтой: Энэ бол веган байснаар, энэ шийдлийн талаарх мэдээг түгээснээр тэд жинхэнэ баатрууд болох боломж юм. Тэд амь аварч чадна, үүнд өөрсдийнх нь ч орно, дэлхий даяарх хүмүүсийн амьдралыг ч, дэлхий даяарх тоо томшгүй олон амьтад(-хүмүүсийг) ч бас аварна. Веган байснаар хувь хүнд, амьтан(-хүмүүст), өлсгөлөн хүмүүст, өлбөрч буй хүүхдүүдэд – хүрэх бүхий л ач тусыг та тайлбарлавал тэд үнэхээр өөрчлөлт хийж чадахаа мэдээд тэд үүнд дуртай байна, тэд их баярлана. Хэрэв тэд шалтгааныг мэдвэл залуу хүмүүс амьдралын хэв маягаа өөрчлөхөд гол төлөв хамгийн их бэлэн байдаг. Тэдний насны бүлэг ч мөн адил олон тохиолдолд веганизм бол сайн, зөв гэдгийг олж хардаг эхний хүмүүс юм.Иймд, миний бодлоор хэрэв бид тэдэнд хэрхэн энэ нь дэлхийн дулаарлыг шийдэх хамгийн чухал үйлдэл болохыг логиктой тайлбарлавал тэд өдөөгдөнө. Тэд таныг дэмжих болно. Тэд таны ард байх болно. Тэд үүнийг хийх болно. Баярлалаа эрхэм Дагба. Бурхан таныг болон сурагчдыг тань адислаг. Та Бенинээс ирсэн, тийм. Бурхан таны орон Бенинийг мөн адислаг. (Их Багш аа, Таны хариултанд их баярлалаа.)Дараагийн асуултыг эрхэм Акпабла Проспер тавина. Тэр NIOTO компанид механик инженер, чанар шалгагчаар ажилладаг.Mr. Akpabla Prosper: Сайн байна уу Их Багш аа. Нийт хүн төрөлхтнийг байгалийн гамшгаас аврахын төлөө хийсэн бүхэнд тань чин сэтгэлээсээ талархал илэрхийлье. Би өөрийн ажилтай холбоогүй гэхдээ бидний итгэл бишрэлтэй холбоотой жижиг асуулт тавья. Манай хүрээнд зарим нь дэлхийн дулаарал бол бурхдын шийтгэл гэж үздэг. Веган хооллолт бурхдыг хэрхэн тайтгаруулах вэ? Их Багш аа баярлалаа. (Баярлалаа.)Master: Сайн байна уу эрхэм Акпабла. Энэ асуултыг асуусанд баяртай байна.Дэлхийн дулаарлыг хүмүүс шийтгэл гэж бодож магадгүйг ойлгох боломжтой. Нэг талаасаа бол тийм байж ч мэднэ. Гэхдээ энэ бол Диваажингийн эсвэл бурхдын шийтгэл үнэн хэрэгтээ биш ээ, харин бидний үйлдлийн үр дагаварууд юм. Дэлхийн дулаарал нь үйлдэл бүр хариу авчирдаг эсвэл үр дагавар гэж хэлэх боломжтой хэмээх орчлонгийн зарчмыг дагадаг.Иймд, хэрэв хүн төрөлхтөн анхааралтай, сайхан сэтгэлээр үйлдвэл Орчлон хариуд нь анхаарал, сайхан сэтгэлийг өгнө. Та алимын үр таривал эргээд алим авахтай адил. Хэрэв бид өргөст бутны үр таривал үр дүнд нь бид өргөстэй буттай болно. Иймд аллагатай холбоотой ямар ч үйлдэл үүнийг өдөөсөн хүнд ижил зүйлийг авчирна. Энэ яг таг нарийн хууль юм. (Амьтан-хүмүүсийн) махан хооллолт бол амьдралыг үгүйсгэх гэсэн утгатай, үр дүнд нь бид ижил ургац хураана. Харин веган хооллолт бол амьдралыг өргөн барих юм, иймд бурхдад таатай байна. Иймд, үүний шагнал нь адил байна – хамгаалагдсан амьдрал.Иймд веган хооллолт нь бүх зүйлийг тайтгаруулдаг гэж хэлэх нь зөв, үүнд дотоод дахь бидний Бурхан багтана. Амар амгаланг хайрладаг веган хооллолт нь бидэнд, амьтад(-хүмүүст), мөн дэлхийд амар тайвныг авчирна. Ийм учраас энэ бол дэлхийн дулаарлын жинхэнэ шийдэл юм. Веган хооллолт нь агаар мандлаас хортой метаныг арилгаад зогсохгүй илүү гүнзгий түвшинд аллагын үйлдлүүдийг арилгаж тэдгээрийг сайхан сэтгэлээр солих бөгөөд ийнхүү гараг бүхэлдээ энэ нэн чухал сайн сайхан, эерэг ач тустай энергиэр дүүрнэ. Дараа нь гарцаагүй бурхад таална, цааш үргэлжид. Эрхэм Акпабла баярлалаа. Бурхан таныг адислаг. (Баярлалаа, Төгс Гэгээрсэн Их Багш [Чин Хай].) Зүгээр дээ.Photo Caption: Бурхан Хоосон Булан Тохой Бүрийг Гоо үзэсгэлэн / Хайраар Гэрэлтүүлдэг!
