Дэлгэрэнгүй
Татаж авах Docx
Дэлгэрэнгүй уншаарай
Урцандаа, мэдээжийн хэрэг харанхуй урцандаа агуу Нартай ярилцаж байна. Өглөөний 11:30 болж байна. Гадаа нартай, салхи ихтэй байна. Энэ яг л бит битийн бичлэгтэй адил юм даа. Албан ёсных биш. Ямар нэг зүйл мартах вий гээд л бичиж байгаа юм. За, би юу л санана, энд бичдэг юм. Энэ тийм ч эмх цэгцтэй, дэс дараалалтай биш шүү. Одоо хүртэл ийм их салхитай, хүйтэн хэвээр байгаад итгэхгүй нь. Би гадаа хэт их байвал ханиаданд минь сайн биш. Гэхдээ би цэвэр агаарт дуртай. Энэ л асуудал. Гэхдээ хамаагүй ээ.Хоёр хоногийн өмнө цаг агаар маш сайхан, тийм ч их салхитай биш байсан. Тиймээс би хурдхан хэдэн гэрэл зураг авахаар гарсан юм. Хавар болж байгаа болохоор – Бурханд баярлалаа, би өвлийг давж гарсандаа маш их баярлан, талархаж байна. – би цэцэгтэй зургаа авхуулж чадсан. Маш олон цэцэг бий. Зарим нь модны орой дээр, зарим нь газарт ойрхон ургасан. Тун тааламжтай, үзэсгэлэнтэй. Адис ерөөлөөр дүүрэн, модны навчаар дүүрэн ийм хэсэг талбайтай болсон минь үнэхээр аз завшаантай санагддаг. Өвлийн дараа моднууд маш хурдан саглайдаг. Тэгээд би хэдэн зураг авахаар явлаа. Нар тэнгэрийн дунд хавьд л хөөрсөн байв. Харин дараа нь Нарны зургийг сайн авах амаргүй болчихдог юм. Тэр эрдүү. Сар арай эмэгтэйлэг байдаг. Энэ нь тэд бидэн шиг эмэгтэй, эрэгтэй гэсэн үг биш шүү. Яах вэ, зүгээр л уур амьсгал, онцлогтой холбоотой байх.Би дугуй, тод Нарны гэрэл зургийг сайн авахыг маш их хүсэж байсан юм. Гэхдээ навчнууд хаа сайгүй байсан. Хэтэрхий өтгөн. Зарим нь нартай газартай, зарим нь сүүдэртэй газартай цэцэрлэгт хүрээлэн шиг биш л дээ. Тэр чигээрээ сүүдэрлэг. Нарны гэрэл ганц нэгхэн цацрагаар тусахаас Нар бүтнээрээ тусахгүй. Би хичээсэн боловч тийм ч тод биш, маш жижиг нарны зураг авч чадсан. Навчис бүгд Түүнийг халхалсан учраас, тэгээд л Нар ямар нэгэн байдлаар маш жижиг болсон байх. Тэгээд би Нартай ярилцаж байгаад “Өө, уучлаарай, Нар аа, би зургийг Тань сайн авч чадсангүй.” гэж хэлсэн. Гэхдээ би чадах чинээгээрээ хичээсэн л дээ. Хэдийгээр ялгаагүй боловч арай жаахан зайдуу газар руу явсан. Би зүгээр л цэцэгс, гоёмсог бут, ургамал харан, ойгоор явж байсан юм. Тэгээд би Нарны зургийг авах гэж дахин оролдов.Би ингэж гомдоллосныхоо дараа – Би гомдоллоогүй. Түүний зургийг сайн авч чадахгүй байна гэж уучлалт гуйсан хэрэг шүү. Би сайн гэрэл зурагчин биш, зургийн аппарат маань ч мэргэжлийн биш. Би зүгээр л ингэж ярьж байсан ч дараа нь дээшээ харан, Нарны зургийг авах гэж оролдов. Байдал хэвээрээ л, ердөө ганц хоёр л цацраг тусаж байлаа. Ой мод гэрэл гэгээтэй, харанхуй биш ч би зүгээр л товчлуураа дарж хэр гарахыг нь харсан. Харин гэнэт Нар Өөрөө том болсон. Ижил нөхцөлд, ижил гэрэл зургийг авахад өмнө нь Нар маш жижиг байсан юм. Би дараа нь эдгээр гэрэл зургийг хайж олоод та нарт өгч харуулахыг бодно оо. Эхлээд миний чигчий хурууны өндөг шиг хэмжээтэй байсан. Гэхдээ би гомдоллосныхоо дараа дээшээ харж, гэрэл зураг авсан юм. Яг л өмнөх шиг, миний дээш харсан байдал ижилхэн байсан ч би юутай ч зураг дарсан. Тэгээд шалгатал миний зурган дээр Нар маш том гарсан байлаа. Тэгээд би дахиад нэг зураг авсан. Өө, тун төстэй, адилхан том, тойроод улаан тойрогтой.Тэгээд би зураг авалтаа үргэлжлүүлэв. Үүний дараа Нар илүү тод болж, Нарыг тойрон солонго татаж, Нартай хамт улаан өнгийн тойрог, бас бусад зарим өнгөнүүд нийлсэн. Яг л солонго шиг, ямар ч байсан маш сайхан, гоё тойрог байсан. Би өмнө нь үүнтэй төстэй зураг авч байсан ч ийм зураг авч байгаагүй. Гэхдээ энэ зүгээр нэг тойрог огт биш. Нарны дотор, Нарны дотор талд олон тойрог байгаагүй. Бүх орчлонгийн хамаг тамыг өршөөсөн ч болохоор тийм үзэсгэлэнтэй байлаа. Тэр намайг үнэхээр баярлуулсан тул би маш их аз жаргалтай, маш их, маш их жаргалтай байсан.Хүйтэн өвлийг юухан хээхнээр даваад, Суприм Мастер Телевиздээ өдөр бүр ялгаагүй ажиллаж чадаж байгаа болохоор би өөрийгөө асар азтай, дэлхийн хамгийн азтай хүн шиг санаж байна. Бас идэх хоолтой, хоол хиймээр байвал хийх боломжтой, эсвэл хүйтнээр нь идэж болно. Орчин үед, хөөх, бүх зүйлс элбэг дэлбэг, жишээ нь төрөл бүрийн веган бяслаг байдаг болж. Дээрээс нь төрөл бүрийн манго, төрөл бүрийн алим, төрөл бүрийн жүрж, төрөл бүрийн мандарин, усан үзэм гээд хязгааргүй. Бүр, хөөх, Бурхан минь, надаас илүү амьдралтай хаан байдаг эсэхийг мэдэхгүй юм. Надад тэгж санагдаж байна. Бас би амар амгаланг мэдэрч буй, яагаад гэвэл би хот, хөршүүдээс хол амьдардаг. Тэгээд амар амгалан байж, ажлаа хийж, үнэхээр сайхан байгаа. Учир нь заримдаа дэлхийн үйлийн үрээс болж би зовдог ч дараа нь үргэлж л ямар нэг тайтгаруулалт байдаг. Жишээ нь Бурхан үнэхээр их хайр энэрэлтэй, эелдэг, Тэр надад...Одоо би Бурханаас асуухаа больсон, зүгээр л асуухад шууд л хариулт нь ирдэг, учир нь одоо Гурав байдаг болсон. Тиймээс заримдаа би нэгийг нь сонгоод асуудаг, заримдаа Тэд надад “Бид энд байгаа, Бид Гурав энд байна” гэж хэлсэн байдаг. Ямартай ч заримдаа би асуудаггүй ч намайг гурван өдрийн дараа дээрдэнэ гэсэн утгатай амлалт ирсэн. Тэгээд ямар ч юм гэрийн аргаар хийсэн эм байхыг мэдэхгүй. Үнэхээр л гурван өдрийн дараа өвдөж байсан зүйл минь зүгээр л алга болчихсон. Бурхан минь, би Бурханд маш их итгэсэн, Гуравт үнэхээр итгэсэн, итгэсээр ч байх болно. Зовж байлаа ч би үнэхээр баяртай байгаа. Намайг хэн нэгэн хайрладгийг би мэднэ, дээрээс, эргэн тойрноос, дотоодоос, гаднаас хайрладаг. Би үнэхээр азтай санагдаж, өдөр бүр, өдөр болгон бүх зүйлд талархдаг. Тэд бяцхан зүүг яаж тийм нимгэн хийдэг тухай хүртэл бодоод шүү. Биед тань ч юм уу тариа хийдэг тариур хүртэл. Би ашиглаагүй л дээ, шинжлэх ухаан технологийн ачаар бид бүхэнд байгаа энэ бүхнийг бодоод л. Өндөр технологийн тухайд ярихад бид хаашаа ч явалгүй дэлхий дахинтай холбогдох боломжтой. Гайхалтай биш гэж үү?Үйлийн үрийн улмаас бие сайнгүй, өвчин тусах ч юм уу ямар нэгэн зүйл тохиолдсон ч энэ нь өнгөрөхийг би мэднэ. Мэдээжийн хэрэг өөр зүйл ирнэ гэдгийг ч би мэднэ. Гэхдээ тийм чухал зүйл байхгүй гэдгийг би мэднэ. Бидний амьдралд заяасан бүх зүйл амьдралыг маань маш тухтай, тун тухтай, аз жаргалтай аз хийморьтой болгодог. Тиймээс хүмүүс яагаад дайн хийж, хэн нэгэнд гай гамшиг учруулах гээд аз завшаан, эрх ямба, цаг заваа дэмий үрдгийг би ойлгохгүй юм. Зүгээр л амьдралдаа санаа тавьж, өөрт байгаа бүх зүйлдээ, бага ч бай, их ч бай өөрт тань хайрласан бүх зүйлд талархаж байгаарай. Өөрт хэрэгтэй зүйлээс минь ч илүү, туйлын хангалттай, бүх зүйл надад байгаа мэт санагддаг.Мэдээж заримдаа би шүршүүрт үсэрч ороод л, эсвэл ваннд биеэ дэвтээдэг байсан хуучин цагаа санагалздаг. Үнэхээр сайхан байсан ч энэ бол тэгж их санаад байх зүйл биш. Цөл хээрт надад байгаа бүхэндээ би маш их баярлаж талархдаг. Бурхан минь, би өөрийгөө үнэхээр азтай гэж боддог, эргэн тойрон дахь модод, цэцэгс, Нарыг хараад өөрийгөө азтайд тооцдог. Хэдийгээр би Нарыг бүтэн хардаггүй ч Нар надад бүтнээрээ харагдсан. Тэр түлхсэн, шахсан, Түүнийг халхалж байсан бүх зузаан навчсыг даваад Нар бүтнээрээ надад харагдсан, бүр доторх цагаригтайгаа шүү. Ээ Бурхан минь, Бурхан минь, би тэр зургийг хараад ямар их баярлаж, ямар их талархсанаа яаж хэлэхээ мэдэхгүй байна. Би “Баярлалаа, Нар минь, баярлалаа, баярлалаа, баярлалаа. Та бол гайхалтай, Та бол гайхалтай. Бидний харанхуй ертөнц, зовлонтой дэлхийд гэрлээ тусгаж, илүү гэрэл гэгээтэй, илүү итгэл найдвартай, эрүүл, аз хийморьтой болгож, ургацыг ургуулан, хүмүүсийг хэт их харанхуй, хэт их наргүй өдөр, хэт их бороо гэх мэтээс болж сэтгэлээр унахгүй, аз жаргалтай болгосонд баярлалаа. Би Наранд үнэхээр маш их талархдаг.Өнөөдөр би Түүнтэй ярилцахыг хүссэн юм. Би Сартай ярилцсаныхаа дараа энэ талаар олон хоног бодсон л доо. Гэвч одоогоор миний амьдралд цаг бол олоход хэцүү, үнэ цэнтэй зүйл. Өөрөөр хэлбэл би Суприм Мастер ТВ-ийн бүх ажлыг дуусгаад бясалгаж, чадах чинээгээрээ 11 цаг хагас, түүнээс дээш цагийг нөхөх хэрэгтэй байдаг. Тэгээд би юм идэх хэрэгтэй. Жимс, магадгүй талх, (веган) бяслаг гэх мэт хүйтэн хоол байсан ч бэлтгэх хэрэгтэй. Гэхдээ би өөрийгөө үнэхээр азтай гэж боддог. Надад хэрэгтэй бүх зүйл, эрүүл мэнд бий.Photo Caption: Нарны Хайр Өвлийн Өвс Ногоог ч Дулаацуулдаг
