Бидний гэр Гараг Дэлхийг засаж аврах ердийн жижиг ‘шураг’ лекцийн 7-ын 7-р хэсгийг

Бурхан та бүхэнд сонгох эрх чөлөө өгсөн болохоос та нарын бодол үйлдлийг удирдаж хянадаггүй. Тиймээс бидэнд бүх эрх чөлөө бий, Бурханаас ч хүртэл эрх чөлөөтэй. Оройн Дээд Эзэн Бурхан ч та нарыг удирдаж захирдаггүй, та нарт туслахыг л хүсдэг. Гэвч та нар өөрсдийгөө тойруулаад хана босгочихдог учраас нэвтрэхэд үнэхээр хэцүү. Туйлын цөхөрсөн мөчдөө л та нар үнэхээр чин сэтгэлтэй байдаг ба Бурхан нэг хоёр л секунд нэвтэрч чаддаг.

Сант Кабир, Энэтхэгийн Их Багш Кабирын гэрт нэгэн удаа үл таних хүн, үнэнийг эрэгч хүрч иртэл Тэр гэртээ байдаггүй. Тэгэхээр нь Кабирын эхнэрээс “Их Багш хаачаа вэ?” гэж асуудаг. Эхнэр нь Түүнийг хэдэн хүмүүстэй хамт оршуулгын газар нас барсан хүн оршуулж байгаа гэж хэлдэг. Магадгүй шавь нь ч юм уу, найз нь байх. Тэгтэл үл таних хүн, “Түүнийг би олон хүн дотроос яаж Таних вэ?” гэж асуухад Кабирын эхнэр түүнд хандан, “Та яваад оч, тэгээд тэнд толгойг нь хүрээлсэн Гэрлэн цагаригтай хүн байвал тэр чинь Кабир.” гэдэг. Ингээд үл таних хүн оршуулгын газарт очоод Кабирыг эрж хайсан ч олдоггүй.

Улмаар тэр буцаад Кабирын гэрт очиж эхнэрээс нь, “Би оршуулгын газарт очсон ч тэнд байгаа бүх хүнийг хүрээлсэн Гэрэл байхыг олж харлаа. Тиймээс аль нь Кабирыг таньсангүй. Яах вэ?” гэхэд эхнэр нь, “За та буцаж очоод, оршуулгын ёслол дуусах хүртэл хүлээгээд, нас барсан хүнийг оршуулж дууссаны дараа бүх хүмүүс явахыг хүлээ. Гэртээ харих замынхаа талд ганц л Хүн Гэрэлтэй байхыг та олж харна. Бусад нь бүгд ямар ч Гэрэлгүй болсон байх болно.” гэв. Ингээд түүнийг очиход үнэхээр ч тийм байв. Тэгэхэд нь тэр Кабираас “Яагаад вэ?” гэж асуухад Тэр түүнд ийн хэлдэг... эсвэл магадгүй эхнэр нь ч билүү, мартчихаж, олон жилийн өмнө уншиж байсан юм, олон арван жилийн өмнө. Хэт олон түүх бий. Бүгдийг нь мартчихсан юм уу хольж хутгаад байх шиг байна. Гэхдээ түүх нь их бага хэмжээгээр тийм.

Тэр, “Оршуулгын газар тэр яагаад хүмүүс нас барсан хүний төлөө залбирч, оршуулж байхад хүн бүр Гэрэлтэй байсан юм бэ? Одоо яагаад зөвхөн Та л Гэрэлтэй байгаа юм бэ?” гэв. Эсвэл зөвхөн Кабир гэрэлтэй байна вэ гэж асуухад Тэр, “Оршуулгын ёслолын үеэр болон оршуулж байхад хүн бүр дотроо гүн гуниглаж, үхэл амьдрал дээр төвлөрч, амьдрал мөнх бус гэдгийг мэдэрч байв. Тиймээс тэд үнэхээр дотооддоо төвлөрч, амьдрал мөнх бус болохыг чин сэтгэлээсээ ухаарч, юу ч чухал биш гэдгийг мэдэж байсан. Тиймээс мэдээж үүний үр дүнд тэдний Гэрэл цацарч байсан. Гэвч харих замдаа үхэл амьдралын тухай энэ бүхнийг мартаж, дотоод руугаа харахаа больсон. Гүн гүнзгий бус, чин сэтгэлээсээ дотоод сүнс рүүгээ харахаа больсон. Тэгээд мэдээж Гэрэл нь бүдгэрсэн.” гэдэг.

Тэгэхээр ойлгож байна уу, бид юу хийх, эсвэл юу хэлэх нь чухал биш. Бидний дотоодын жинхэнэ “Би” л гарч ирэх нь чухал. Санаа сэдэл чухал. Хэрэв та өөрийгөө лам гэдэг ч, эсвэл ламын орхимж нөмрөгтэй, лам шиг ярьж, сэтгэдэг ч дотооддоо тийм ч чин сэтгэлтэй бус, үнэнээсээ бус, ламын ёс журмыг дадуулдаггүй, Бурхан, Будда, Гэгээнтнүүдэд итгэдэггүйгээс гадна төрөл бүрийн материаллаг зовнил, шуналд энд тэндгүй сатаарч, түгшиж байвал та жинхэнэ лам биш гэсэн үг. Тэгэхээр санаа зорилго, дотоод хамгийн чухал.

Нэг зүйл саналаа, би Саран дээрх Хаанаас “Та болон Танай ард түмэн яагаад надад хайртай гэдэг юм бэ? Тийм учраас та нар энэрэнгүй байж, анхаарал хандуулдаг байх нь” гэхэд Тэр, “Яагаад гэвэл Та маш их хайр энэрэлтэй, эелдэг” гэсэн. Өөр юу гэлээ, санаадахъя. “Бас Таны сэтгэл маш ариун.” гэсэн. Сар яагаад надад тэгж их хайраа илэрхийлсэнд би гайхаж байсан болохоор Тэр надад ингэж хэлсэн. Би үнэхээр их баярлаж, сэтгэл хөдөлсөн болохоор Түүнд болон Түүний хүмүүст талархсан. Бурханы адис ивээлийг тэдэнд ерөөж, үүрд энх тайван байж, хэн ч тэднийг ахин очин үймүүлж, ертөнцийг булаахгүй байхыг ерөөсөн. Бид бүгд энх тайван, аз жаргалтай амьдарч, орон гэртэй, тав тухтай амьдрах эрхтэй. Тийм их юмтай байх ч албагүй. Орд харш байх шаардлагагүй ч орон гэртээ, газар нутагтаа амар амгалан, эв түнжинтэй байх ёстой.

Би мөн Сарны Хаанаас Тэр болон Түүний хүмүүс яаж намайг шөнө харж чаддагийг асууснаа санаж байна, жишээ нь ойд шөнөөр Сар гарсан байсан ч модод ихэнх хэсгийг халхалж байсан. Тухайн үед надад Сарны зургийг авахад хэцүү байсан болохоор Тэр сэтгэл гарган хэдэн секунд далд байдлаас ил гарч, надад зураг авах боломж олгосон.

Тэр болон Түүний хүмүүс яаж намайг харанхуйд харж, надад юу хэрэгтэйг яаж мэдсэн юм бол гэдгийг асуухад Тэр, “Өө, бид харж чадна. Байнга, ямар ч үед харж чадна, гэрэл гэгээтэй байх шаардлагагүй.” гэсэн. Тэгэхэд нь би Түүнийг туршиж үзсэн юм, зүгээр л сониучирхаад туршин, “За, намайг одоо хаана байгааг хэлээч? Одоо би хаана байгааг харж байна уу? Энд харанхуй байна.” гэв. Би харанхуйд та нарт юу ярихаа бодож байсан, юмс санахыг хичээж, гараг дэлхийнхээ талаар чухал юу хэлэх тухай бодож мөн Сарны тухай бодож байв. Тэр тэнд надтай ярилцаж байсан болохоор би Түүнээс, “Та намайг одоо хаана амьдарч байгааг харж байна уу?” гэхэд Тэр, “тийм ээ, модоотой газар.” гэсэн. Тэр тэгж

хэлсэн. Би, “Бурхан минь. Ийм байдлаар Та үргэлж намайг харж, хувийн цагтаа юу хийж буйг минь хардаг байх нь. Сайхан зүйл биш, тийм үү?” гэхэд Тэр, “Үгүй, үгүй бид үргэлж Таны амьдралыг хардаггүй, гэрэл зураг авах гэх мэт шаардлагатай үед л харж, Таны бодлыг уншиж чаддаг. Тэр үед л Танд туслахыг хичээдэг. Хэрэв Та бидний тухай бодвол бид шууд л холбогддог. Бидний тухай бодохгүй, биднийг дуудахгүй, бидэнтэй ярилцахыг хүсэхгүй бол бид Таны амьдралыг огт хардаггүй. Танд хувийн орон зайг тань үлдээдэг гэдэгт итгээрэй.” гэсэн. Би, “Бурханд талархъя. Намайг тун ичимхийг Та мэднэ.” гэж хэлсэн. За, миний яриа дараалалгүй байгааг харж байгаа биз. Гэхдээ би бүгдийг нь дандаа яг таг нэг, хоёр гурав гэж дараалуулан санахгүй. Ядаж л та нар энд тэндээс зарим нэг зүйлсийг сонсож авахад болно.

Та нарт миний түүх таалагдаж, бага зэргийн сайн мэдээ сонсоод сэтгэл тань жаахан ч атугай уужирсан гэж найдъя. Гэхдээ Украйнд (Урейнд) зарим хэсэгт нь хэдийнээ энх тайван тогтсон. Мөн жишээ нь тэд энгийн иргэдийн амьдарч байгаа бүс рүү дайрахгүй гэж зөвшөөрсөн. Энэ бол Украины (Урейны) газар нутагт байгаа иргэдийн хувьд хэдийнээ томоохон хамгаалалт юм. Дашрамд хэлэхэд би Украинд (Урейнд) байгаа бүх хүмүүст аз хийморийг ерөөж, бүх зүйл танд болон таны үр хүүхэд эцэг эх, хайртай хүмүүст тань, сүр жавхлант улс оронд тань сайн сайхныг хүсэн ерөөе.

Энх тайван тун удахгүй тогтоосой гэж хүсэж байна. Мөн Бид, бүх Диваажингууд дайныг зогсоохын төлөө чадах бүхнээ хийж байгаа учраас томоохон дайн гарахгүй, тиймээс санаа зоволтгүй.

Олон хүмүүс, маш олон хүмүүс одоо веган болж байна, эсвэл веган болохыг хүсэж байгаа нь энэ хүчирхэг энергид нэмэр болж буй. Мөн одоо Гурван Хамгийн Хүчирхэг энерги бол өөр- төсөөлшгүй асар их хүчирхэг. Тиймээс Бид аюулт үер, бороо, цасан шуурга, цунами гэх мэт гамшгийг багасгахын тухайд олон зүйл хийх боломжтой. Японд болох гэж байгаа маш хүчирхэг газар хөдлөлтийг бид бүрэн зогсоож олон хүн, үй олон хүн аварч, улс орныг нь бүрэн бүтэн байлгаж чадна гэж найдъя. Гэхдээ Бидэнд туслаарай. Тэр “шургийг” л Бидэнд өгчих, одоогоор бүрэн тогтоогүй зүүгдэн санжганаж буй хаалганы нугасанд нь таарах тэр шургийг л зөвхөн өгчих. Өмнө нь бүр ямар ч шураг байгаагүй болохоор хаалга нь бүр зүүгдээ ч үгүй байсан. Одоо бол хэдэн шураг байгаа ч энэ нь гүйцэт бус. Дөрвөн шураг хэрэгтэйгээс ганц байгаа бол нугаснаасаа дүүжлэгдэх боломжтой ч энд нэг, тэнд нэг л байна. Одоогоор гүйцэт бус ашиглахад аюулгүй биш байна.

Тиймээс гуйя, веган болоорой. Энэ шургийг санаарай. Маш жижигхэн, энгийн ч гэлээ үнэхээр хязгааргүй амин чухал. Туйлын, туйлын туйлын чухал. Туйлаас, туйлаас, туйлаас шаардлагатай. Гуйя. Гараг дэлхийг 100% хамгаалж, аюулгүй байдал, оршин тогтнолыг нь хангахад ганц “шураг” л дутуу байна. Үүний төлөө залбираарай, илүү олон хүн веган болж улмаар бид Японд болон өөр хаа нэгтээ болох гамшгийн талыг зогсоох бус бүхэлд нь зогсоож, Япон улсыг, ард түмэнтэй нь бүрэн хамгаалж, Украинд (Урейнд) болон Орост энх тайван бүрэн тогтохыг гуйн залбираарай. Тал хагас юм уу 10%, 50%, 90% хувь биш. Энэ хангалттай бус. Та бүхэнд маш их баярлалаа. Мөн бүхний төлөө энэ гаргийг аварч, аз жаргал, энх тайван, элбэг хангалуун байдлыг эргүүлэн авчрахад тусална уу хэмээн Хамгаас Хүчирхэг Гуравт залбирч, Тэднийг Хайрлаж, Магтаарай. Амен. Баярлалаа.

Хамгаас Хүчирхэг Гурвыг хайрлаарай. Маш их баярлалаа. Миний бие одоо тэр Гурвын оффис нь. Тийм учраас би Хамгаас Хүчирхэг Та Гуравт үргэлж талархаж, Хамгаас Хүчирхэг Гурвыг хайрлаж, энэ оффистоо нөгөө Хоёр хэсгийнхээ хамт буюу Оройн Дээд Эзэн Бурхан болон Есүс Христтэй хамт өөрийн зүгээс чадах бүхнээ хийхийг үргэлж хичээдэг. Оройн Дээд Эзэн Бурхан, Есүс Христ, Майдар Бурхан, болон энэ дэлхийн Хаадын Хаадын Хаан, Номын Хүрд Эргүүлэгч Хааны (Дүйнхорын Ван) адис ивээлээр бид бүхэн аюулгүй, амар амгалан, аз жаргалтай байх болтугай. Би бардамнасандаа энэ бүхнийг давтаж хэлээгүй юм шүү, та бүхэн надад оршиж буй Хүчийг санаж илүү аюулгүй мэдрэмжтэй байгаасай гэж хүсэж байна. Хэрэв та нар надад итгэвэл мэдээж илүү тухтай байж, илүү итгэл дүүрэн, жаргалтай, аюулгүй мэдрэмжтэй байна. Тийм л юм. Учир нь би үнэхээр ийм юм. Үгүй байсан бол би тэгж хэлж зүрхлэхгүй. Хэн нэгэн нь хуурмагаар дүр эсгэн, Дээд Гэгээн Нэгний Нэрийг буруугаар ашиглахыг оролдвол там гэж юу байдгийг би мэднэ. Бүгдэд тань нь сайн сайхан бүхнийг дахин ерөөе. Та нарт маш их хайртай шүү. Адислагдан, аз жаргалтай, зөв шударга байгаарай Сайн шийдвэр гаргаж, веганыг сонгоорой. Амен.

Зураг татаж авах