Бидний гэр Гараг Дэлхийг засаж аврах ердийн жижиг ‘шураг’ лекцийн 7-ын 6-р хэсгийг

Хүмүүс үргэлж, “Илүү байх тусмаа сайн” гэж боддог. Тэгэхээр улам ихийг авч, хэзээ ч ханаж цаддаггүй. Тийм учраас л ийм их асуудал байгаа юм. Шуналаас үүдэлтэй дэндүү их асуудлууд бий. Мөн хүчтэй нь сул доройгоо дарладаг, гэх мэт. Түрэмгий нь амар амгалан нэгнээ дарладаг. Тийм учраас Дэлхий дээр амар амгалан цаг үе огтхон ч байдаггүй мэт.

Бид илүү энгийн амьдарч сурах учиртай. Үүнийг минимализм гэдэг. Хүсэж шунаснаа бус, хэрэгтэйгээ л ав. Тэгвэл дэлхийд хангалттай нөөц байх болно, хүн бүр дотооддоо ч гаднаа ч аз жаргалтай, элбэг хангалуун амьдрахад хангалттай. Тэгээд энх тайван байдалд бидэнд илүү дотоод руугаа орох, агуу “Би”-гээ эрж олох, өөрсдийгөө агуу гэдгээ, Оройн Дээд Эзэн Бурханаас гаралтай билиг ухаан, авьяас чадвар, хүч чадал, хайр, энэрэл нигүүлсэл, адислалаа олж мэдэх илүү боломж, цаг хугацаа, хүсэл эрмэлзэлтэй байх болно.

Мөн одоо Эзэн Есүс болон Түүнээс үүсэлтэй Ахан Дүүсээс нь илүү Хүч байдаг болсон. Түүнээс үүсэлтэй гэж хэлж болно. Уг нь бол зөвхөн Эзэн Есүс энэ бүхэнтэй байсан ч одоо Тэд илүү Хүч хуримтлуулахын тулд салсан. Учир нь нэг оршихуйд үргэлж бүх хүч байх боломжгүй, харин хоёр бол өөр. Яг л ганц хүн мөнгө олсноос хоёр хүн тусдаа мөнгө олох нь өөр байдагтай адил. Одоо Нэг нь Хоёр болж, Хоёр нь Гурав болж, тэгээд Гурав нь Нэг болж байна. Одоо үнэхээр хүчирхэг болсон. Бидэнд гараг дэлхийгээ аврах илүү итгэл найдвар байна.

Туйлын шаардлагатай тэр “шураг” л байвал, байшинг бүхэлд нь засах веган шураг л байвал боллоо. Энэ л хэрэгтэй байна. Шураг хийх газар очир эрдэнэ хийх боломжгүй, учир нь очир эрдэнэ үнэтэй бас үзэсгэлэнтэй ч бидэнд хэрэгтэй зүйл биш. Тэр энгийн, өртөг багатай, жижиг, жирийн шураг л хэрэгтэй, тэгвэл байшин маань төгс болно. Бүх зүйл амар амгалан, аюулгүй болно. Байшинд ямар ч салхи нэвтрэхгүй. Борооны ус дотор дуслахгүй. Ямар ч аюултай амьтан орж ирэхгүй, өчүүхэн жижиг шавж ч биднийг үймүүлж, ямар нэг байдлаар өвчлүүлэхгүй. Яг одоо бол тэр л шураг хэрэгтэй, веган болчихвол манай дэлхий төгс, аюулгүй болж бүх зүйл зөвхөн хайр, амар амгалан болно. Бурхан минь, би тийм дэлхийг мөрөөддөг. Хүн бүр тийм л дэлхийг бүтээгээсэй билээ. Би өөр юу ч хүсэхгүй. Учир нь хүн бүхэн жаргалтай байхыг харвал надад хамгийн том бэлэг тэр. Би ч бас баярлах болно. Тэгвэл би тэгтлээ их ажиллах шаардлагагүй.

Магадгүй бидэнд Суприм Мастер Телевиз ч хэрэггүй, эсвэл ядаж л ингэтлээ тэвдэхгүй, манай багийнхан амрах боломжтой байх болно. Эсвэл магадгүй зарим нь гэртээ найз охин дээрээ, эсвэл нохой-хүмүүс дээрээ, аав ээж дээрээ очих боломжтой. Бидний хүсэл маш жижиг, үнэндээ өчүүхэн. Бидний амьдрал бас жижигхэн, тун өчүүхэн. Хүмүүст хайртай болохоороо, дэлхийд хайртай болохоор бид цаг үргэлж ажиллаж байгаа. Тэднийг бид жинхэнэ аз жаргалыг мэдрээсэй гэж, жинхэнэ амар амгалан, мөнхийн амьдралыг зүй ёсоор мэдрээсэй гэж хүсдэг. Би тэднийг дайн, цар тахал, таагүй цаг агаар, салхи шуурга, үер усаар гэнэт амь насаа алдаж, хайртай дотнын хүмүүс, гэр бүлийн гишүүдтэйгээ ч салах ёс хийж чадалгүй өөд болохыг хүсэхгүй байна. Энэ тухай бодоход үнэхээрийн харамсалтай. Би дэлхийн хүмүүст зааж сургах гээгүй юм шүү. Надад зүгээр л харамсалтай байна. Би мэдэрч буй зүйлээ л хэллээ. Юу мэдэрч буйгаа та нарт хэлэхгүй бол өөр хэнд хэлэх вэ?

Би ч гэсэн бас хүний хувиар та нартай болон зэрэгцэн орших амьтан-хүмүүстэй хамт энд оршиж байна. Бид том гэр бүл, дэлхий нийтээрээ нэг гэр бүл. Тиймээс юмыг яаж мэдэх вэ та нарт хүрч, сэтгэлийг тань уярааж, бодож тунгаан, амьдралаа өөрчлөхөд хүргэж магадгүй учраас сэтгэл мэдрэмжээ хуваалцъя гэж бодлоо. Амьтан-хүмүүсийн махыг л битгий ид, тэгээд л гүйцээ. Өөр юу ч хийх шаардлагагүй, та нараас юу ч унахгүй. “Амьтны мах бүү ид” хэмээх энэ үйлдэл нь амьдралыг тань өөрчилж, илүү эрүүл, ухаалаг болгож, илүү урт наслуулж, хобби-ийндоо зориулах, эсвэл хүүхдэд, ач зээ нартаа зориулах илүү хугацаатай болгоно. Тэд ч бас хамтдаа илүү жаргалтай эрүүл байх болно. Тэгвэл Диваажин биш гэж үү? Энэ бүхнээр жаргахын тулд яагаад Диваажинд очтолоо хүлээнэ гэж? Яг одоо энд тийм байж болно. Бидэнд бүх зүйл бий.

Клиник үхэлд орсон олон хүмүүс яагаад томоохон зовлон туулж, томоохон аваар осолд орж байж Диваажин очиж Эзэн Есүстэй уулздагийг мэдэх үү? Яагаад гэвэл тэд илүү дээр амьдрах ёстой байсан ч тэгээгүй байдаг. Тэд муугаасаа ч юм уу болоод биш юм. Тэд бүр зарим нэг мессежийг түгээн дэлгэрүүлэхээр Диваажингаас сонгогдсон байсан ч үүнийгээ мэдээгүй байдаг. Диваажинд тэдэнд ярилцах хэдхэн секунд л гардаг. Энд эргээд ирэхэд нь 10 минут, 20 минут болсон байдаг ч хамгийн ихдээ л тэр. Харин Диваажинд бол хэдхэн секунд болдог. Хэдхэн секундийн дотор Эзэн Есүсээс ч юм уу өөр аль нэг Гэгээнтэн, Буддагаас бүх сургаалыг хүлээн авах боломжгүй. Хангалтгүй хугацаа. Тиймээс зүгээр л өөрийг тань буцаж очоод сайн байж, хүмүүст нэгнээ хайрлаж, нэгэндээ тусал гэж хэлдэг. Нэгнээ гэдэгт амьтан-хүмүүс бас багтана, яагаад гэвэл Бурхан тэднийг бүтээсэн. Тэд бас Бурханы хүүхдүүд.

Таван настай Лиза Мейлер нь энд дэлхий дээрх амьдралын утга учир болон хүн төрөлхтний оршин тогтнолын зорилгын талаар мессеж хүлээж авсан юм. Лика гэр бүлтэйгээ Хар далай дээр амарч байх үедээ тэр усан дотор ухаангүй болсон ба живж эхэлсэн байна. Түүний сүнс нь биеэс нь гарч явж байхад түүний бүх юм нь Гэрэл болсон тийм газар руу авчирсан ба энэхүү гоёмсог гэрлүүдийг цацруулсан нэгэн эрэгтэй бие хүнтэй уулзав. Тэгээд тэр бие хүн түүнтэй ярьж эхлэв.

Гэрлийн тэрхүү оршихуй надад амьдралд бидний мэдэрдэг хайр, бидний үйлддэг хайрыг үйл явдал, бидний ярьдаг хайрын үгс, бидний барьдаг хайрын үгс энэ бүгд бол ач холбогдолтой гэдгийг харуулсан.

Клиник үхлийн туршлагынхаа төгсгөлд Лизаг дэлхий рүү эргэж ирэхийн өмнө зоригжуулсан эцсийн үгс хэлж өгсөн тэрхүү Гэрлийн Оршихуй руу эргэн очсон байв.

Тэрхүү Гэрлийн Оршихуй надад миний зорилго бол хайр ба нигүүлслийн тухай илүү суралцах мөн дэлхий дээр тэднийг хэрхэн тайлбарлах явдал гэдгийг хэлсэн. Мөн миний ажил бол би аль чадах аргаар бусдад туслах байсан. Би үүнийг өөртөө сонгосон, мөн тэр намайг хормын төдий Гэрлийн тэрхүү ертөнц рүү эргэн ирж болно гэдгийг хэлсэн.

Маргарита Фарай Торрес 2000 оны 11-р сарын 4-нд бие суларч, толгой нь хүчтэй өвдөж газар унасан ба эгч нь түүнийг яаралтай эмнэлэгт хүргэсэн бөгөөд шинжилгээгээр цус харвалттай болох нь тогтоогджээ. Маргарита дараагийн зургаан долоо хоногийг үхлийн ирмэгт эмнэлэгт өнгөрөөв. Энэ хугацаанд түүний сүнс дэлхий болон Диваажингийн орны янз бүрийн газруудаар аялсан байна. Нэгэн тохиолдолд, Маргарита биедээ буцаж ирсний дараа тэрээр амар амгалан, тайван бөгөөд хүчирхэг хоолойг сонсов:

Өөрийн ертөнцөд оч. Чиний цаг хараахан болоогүй байна. Хэрэв би хүсвэл бүх зүйл болно гэж Дэлхийд хэлээрэй. Тэд хийсэн алхам бүртээ талархаж мөн Диваажин руу харж, надад талархаарай.

Маргарита үзэсгэлэнтэй, гэрэлтсэн цагаан дээлтэй дүрсийг харсан ч царайг харж чадсангүй. Дараа нь Тэрээр түүнд дахин нэг зүйл хэлэв:

Чамд мэдрүүлсэн миний гэрчлэлийг түгээн хэлж чи дэлхий даяар аялах болно. Гарт чинь эдгээх чадвар байх хэдий ч чамд итгэдэггүй хүмүүсийн хувьд чи тэдний төлөө юу ч хийж чадахгүй.

Бурхан та бүхэнд сонгох эрх чөлөө өгсөн болохоос та нарын бодол үйлдлийг удирдаж хянадаггүй. Тиймээс бидэнд бүх эрх чөлөө бий, Бурханаас ч хүртэл эрх чөлөөтэй. Оройн Дээд Эзэн Бурхан ч та нарыг удирдаж захирдаггүй, та нарт туслахыг л хүсдэг. Гэвч та нар өөрсдийгөө тойруулаад хана босгочихдог учраас нэвтрэхэд үнэхээр хэцүү. Туйлын цөхөрсөн мөчдөө л та нар үнэхээр чин сэтгэлтэй байдаг ба Бурхан нэг хоёр л секунд нэвтэрч чаддаг.

Photo Caption: Өөр харагдаж байгаа ч нийцтэй!

Зураг татаж авах