Энэхүү энгийн шүлэг хүн бүрт жинхэнэ дээшлэлт гэдэг нь дэлхийг орхих биш, харин доторх мөнхийн Гэрэлд сэрэх явдал гэдгийг сануулах болтугай.

Индонезоос Мейлани-гийн индонез хэлээр ирүүлсэн сэтгэлийн үгийг олон хэлний хадмал орчуулгатайгаар хүргэе:

Хүндэт Төгс Гэгээрсэн Их Багш Чин Хай Тандаа болон хайртай Суприм Мастер Телевизийн хамт олонд. Гүн талархал, хүндэтгэлтэйгээр, би Арьяабалын авшиг хүртэхээс 11 жилийн өмнө буюу 1998 оны орчимд тохиолдсон дотоод ахуй ойлголтоо хуваалцмаар байна. Энэ ахуй ойлголт маш бодитой, ариун байсан тул миний ухамсрыг сэрээж, Орчлон ертөнцийн өмнө хүн төрөлхтөн хэчнээн өчүүхэн болохыг, мөн Бурханы бүхнийг-хамарсан Хайрын агуу ихийг ухааруулсан. Би үүнийг шүлгээр танилцуулъя. Баярлалаа.

Гэрэл рүү чиглэсэн аялал

Тэр үдээс хойш, бие минь унтаж байсан ч, сүнс минь сэрүүн байв. Би Дэлхийгээс аажмаар хөөрөн, Гэрлийн нам гүмд хөнгөхөн хөвж байв. Батур уул намайг дулаан, зөөлөн амьсгалаараа угтан авлаа. Миний сүнсийг таньдаг хуучин найзтайгаа мэндчилэх мэт би түүний оргилыг гурвантаа тойров. Тэгтэл Агунг уул залбирал мэт сүр жавхлантайгаар дуудав. Би түүний тогоон дээгүүр гурвантаа тойрон эргэлдэж, чимээгүй галынх нь гүн дэх хэлэгдээгүй нууцыг ширтэв.

Тэгээд Нар мандаж, хязгааргүй алтан далай мэт нээгдэв. Эмэгтэй хөтөч “Доошоо хар” гэж шивнэв. Тэнд би Дэлхийг харсан — жижигхэн, хар, зоосны хэмжээтэй, мөнхийн далайд хөвж байв. Тэр мөчид би ойлгосон — бид бол зүгээр л тоос, өөрсдийгөө дүр болгон мөрөөддөг очис, бүхэнд амьдрал бэлэглэдэг Тэр Хайраас өөр бахархах зүйл үгүй. Би Наран дээр хөл тавьсан. Дулаангүйгээр. Гялбаагүйгээр. Зүгээр л зөөлөн цагаан - амар амгалан хоосон орон зай.

Тэгээд би аянга мэт хурднаар, нүдний өмнө илрэн харагдах өргөн уудам ногоон зүлэг, нам гүм, мөнхийн ногоон нуга руу буулаа. Тэнд нам гүм байдал үзэсгэлэнтэй байсан бөгөөд зөвхөн үггүйгээр шивнэх амар амгалан л байв. Гэсэн ч аялал дуусаагүй байв. Тэр ногоон нугаас би Батур уулын оргилтой тэнцэх өндөрт дахин аажмаар өгсөв. Ява маягийн хоёр эртний барилга чив чимээгүй, хоосон, яг л Гэртээ буцаж ирэх сүнсийг хүлээж байгаа мэт зогсож байв. Би ойртож очоод, тэдгээрийн нам гүм байдлыг ширтэн ойлгов: ариун аялал бүр нь явах биш, харин дотроо орших нэргүй Гэрэл рүү буцах явдал юм.

Энэхүү энгийн шүлэг хүн бүрт жинхэнэ дээшлэлт гэдэг нь дэлхийг орхих биш, харин доторх мөнхийн Гэрэлд сэрэх явдал гэдгийг сануулах болтугай. Мейлани, Индонези улсаас

Амарлингуй Мейлани, Сүнсний дуу мэт таны уран яруу үгээр илэрхийлэгдсэн шүлгийг уншихад бидэнд маш их баяр баясгалан авчирч байна. Энэ нь биднийг Арьяабалын бясалгалд орж, авшиг авахаас өмнө Их Багш бидэнтэй алхам бүрээр хамт явж ирсэн гэдгийг бидэнд ухааруулж, сэрээдэг. Та болон Индонезийн үргэлж инээмсэглэдэг ард түмэн нөхцөл болзолгүй Хайраар адислагдаг, Суприм Мастер ТВ-ийн хамт олон

Жич: Их Багш тусгай захиас тантай хуваалцсанд баярлаарай: “Баяр хөөрөөр дүүрэн Мейлани, дахин төрөл авалтын улмаас биеэрээ салангид байсан хоёр зуун хоёр жилийн дараа тантай уулзахад сайхан байна! Энэ удаад та илүү өндөрт дэвших нь гарцаагүй бөгөөд буцаж ирэх шаардлагагүй болно. Таны төлөө маш их баяртай байна! Таны үгсээр гүн ухаарал гэрэлтэн илэрч байна! Энэ дэлхий дээрх амьдралд хандах, сүнслэг суурьтай үзэл бодлоо хуваалцсанд тань баярлалаа. Таны дотоод ахуй ойлголтын тусгал үнэхээр тийм юм. Эл төгсгөлгүй эргүүлэгт автсан бид голдуу өөрсдөдөө төөрөлдөж, гүнзгий мөн чанарыг нь мартдаг. Гэгээрлийн эрэл хайгуулдаа жинхэнэ үр шим, утга учрыг нь олсонд тань баяртай байна. Танд болон Индонезийн үржил шимтэй нутагт эв нэгдэл, нигүүлсэл, гэрэлт итгэл найдвараар дүүрэн ирээдүйг хүсэн ерөөе. Таныг үргэлж хайрладаг.”