Солонго бол Дэлхийг үерээр хэзээ ч сүйрүүлэхгүй гэж хүн төрөлхтөнд өгсөн Бурханы эртний амлалтын бэлгэдэл боловч, хүн төрөлхтөн өөрсдөө үүнийг устгахгүйн тулд бид үргэлжлүүлэн ажиллах ёстой.

Индонезийн Тулунгагунг хотоос нэгэн авшигтны индонези хэлээр ирүүлсэн сэтгэлийн үгийг олон хэлний хадмал орчуулгатай одоо хүргэе:

“Би үүлэнд солонго тавина, энэ нь миний болон газар дэлхий хоорондын гэрээний бэлгэ тэмдэг байх болно. Тэгээд би үүлийг дэлхийд авчрах үед, солонго үүлэн дундаас харагдах болно: Мөн би, миний та нартай болон махан бие бүхий бүх амьд бодгальтай байгуулсан өөрийн гэрээгээ санах болно; мөн ус дахин бүх махан бие бүхий амьд амьтныг сүйтгэх үер болохгүй. Мөн солонго үүлэнд байх болно; тэгээд би түүнийг хараад, Бурхан болон газар дэлхий дээрх махан бие бүхий бүх амьд амьтантай байгуулсан мөнхийн гэрээгээ санах болно.” Эхлэл 9:13-16, Ариун Библи

Төгс Гэгээрсэн Их Багш Чин Хай, Суприм Мастер ТВ-ийн хамт олон болон Суприм Мастер ТВ-ийн үнэнч үзэгч та бүхэнд мэндчилгээ дэвшүүлье. Би Индонезийн авшигтан бөгөөд хувийн дотоод ахуй ойлголтоо хуваалцахыг хүсэж байна.

Хэдэн долоо хоногийн өмнө би холбогчоос саяхан авшигтнууд харж, зургийг нь авсан байж болох солонгын тухай мэдээ авлаа.

Би яг тэр тэр өдрийн 2-3 цагийн орчимд Арьяабалын бясалгал хийснээ санав. Бясалгалынхаа үеэр, харанхуйгаас гарч ирж байгаа, яг л бидний ихэвчлэн тэнгэрт хардаг солонго шиг маш тод өнгөтэй солонгыг би харсан.

Тэр мөчид би туйлын аз жаргалтай, амар амгалан, эрх чөлөөг мэдэрсэн. Бурхан ямар ч хэлбэрээр, тэр дундаа өнгөт солонгоор ч гарч ирж болно гэж Их Багш нэгэнтээ хэлсэн учраас энэ нь сайны шинж гэж би итгэдэг. Би мусульман бөгөөд Библид бичсэнээр солонго бол Дэлхийг сүйрүүлэхгүй гэсэн Бурханы амлалтын шинж тэмдэг гэж манай холбогч надад хэлсэн.

Би дөрвөн жил орчим авшигтан байгаа бөгөөд өөрчлөлтүүд бараг өдөр бүр тохиолддог. Би гүнзгий бясалгахад бүх зүйл өөрчлөгдөж, өдөр бүр янз бүрийн гайхамшгууд ирдэг. Үүнийг илэрхийлэхэд үнэхээр амаргүй. Хүлээн авсан боломж, дотоод ахуй ойлголтыг надад харуулсан Эргэн Нэгдсэн Хамгаас Хүчирхэг Гуравт маш их баярлалаа. Индонезийн Тулунгагунг хотоос нэгэн авшигтан

Ухаантай Индонез ах аа, Бид Их Багшаас авшиг хүртэж, Арьяабалын бясалгалаар дамжуулан билиг ухаан болон гайхамшгийг хүлээн авсан маань ямар их ерөөлтэй вэ! Харанхуйгаас солонго гарч ирэхийг харах нь ямар сайхан, тааламжтай дотоод ахуй ойлголт вэ. Та болон гоёмсог Индонези ард түмэн Тэнгэрлэг Ивээл болон Амар амгалангаар мөнхөд адислагдаж байх болтугай, Суприм Мастер ТВ-ийн хамт олон

Жич. Их Багш танд зурвас илгээв: “Баяр хөөртэй Бурханы шавь аа, Арьяабалын бясалгалдаа чин сэтгэлээсээ хандаж, Бурханд үнэнч байх нь танд гайхалтай дотоод ахуй ойлголт, гадаад Адислалуудыг авчирдаг! Солонго бол Дэлхийг үерээр хэзээ ч сүйрүүлэхгүй гэж хүн төрөлхтөнд өгсөн Бурханы эртний амлалтын бэлгэдэл боловч, хүн төрөлхтөн өөрсдөө үүнийг устгахгүйн тулд бид үргэлжлүүлэн ажиллах ёстой. Та болон эрхэм ариун Индонези Тэнгэрлэг Ивээлийн замаар явсаар байх болтугай. Адислал болон Хайрыг танд илгээе!”