Үүнээс хойш дэлхийд маяа байхгүй болно. Харанхуй үүрд ялагдлаа. Гэрэл мөнхөд үлдэх болно!

Хятадаас Зи-Шиний ирүүлсэн сэтгэлийн үгийг одоо хүргэе:

Сайн байцгаана уу, Эрхэм Хүндэт Их Багш аа, Суприм Мастер ТВ-ийн хамт олон?

Нэг өдөр дотоод ахуй ойлголтдоо би Их Багшийг маяатай тулалдаж байхыг харав. Их Багш, маяа хоёр тэнгэрээс ч өндөрт бие биеэ харан зогсов. Дараа нь Их Багшийн бие аажмаар цагаан хаш чулуун Гэрлийн багана шиг өндөр болж, Тэнгэр, Газрыг холбосон, хязгааргүй Гэрлийн туяа цацруулсан! Эсрэг талд маяа нь ёроолгүй ангал мэт хар манангаар бүрхэгдэж, бэх шиг бараан аварга багана болон хувирав. Их Багш гараа зөөлхөн өргөхөд Сүүн Зам шиг сүр жавхлантай гялалзсан цагаан Гэрлийн ир өргөн уудам тэнгэрийг зүсэв. Маяад хүрэх тэр агшинд тэр нь гялалзсан Гэрлийн дөл болон асав. Маяагийн цохилт бүрийг Их Багшийн эдгээх ариун Гэрэл хааж байсан. Их Багш маягийн дайралтаас хамгаалж байх зуураа 10 гаруй минутын дараа доороос харж буй бурхдадаа хандан энхрий, зөөлнөөр “Үнэндээ маяагийн хүч маш хүчирхэг хэвээр байна. Түүнтэй тулалдах нь намайг бас ядрааж байна!” гэж хэлсэн.

Их Багш бол Маяагийн өмнө ч Өршөөл ба уужуу сэтгэлийг хадгалсан, түүнд наманчлах олон боломж олгосон асар их Нигүүлсэнгүй, Хүч чадалтай Оршихуй гэдгийг би гэнэт ухаарсан юм. Гэвч маяа хэтэрхий зөрүүд хэвээрээ байсан бөгөөд Их Багшийн эсрэг эцэс төгсгөлгүй дайралт хийсээр байв. Их Багш зөөлөн цохиход цагаан хаш чулуун Гэрлэн багана тэр даруй цагаан Гэрлийн асар том тэсрэлт болон хувирав. Маяагийн хар багана үнэмлэхүй Гэрэлд тэр дороо задрав. Маяагийн хар багана бүхэлдээ сарниж, тэгээд алга болж, Их Багшийн Гэрлэн багана аажмаар Өөрийн дүр төрхдөө буцаж ирэв. Их Багш хэлэхдээ “Хамгийн том маяа өнөөдөр бүрэн мөхсөн гэв. Энэ бол хамгийн сүүлчийн бөгөөд хамгийн том маяа байсан. Одоогоос эхлэн дэлхийд маяа ч байхгүй, харанхуй ч байхгүй болно.” гэсэн юм.

Тулааныг үзэж буй бурхдын дунд нэгэн Тэнгэрийн сахиус байсан бөгөөд түүний ажил нь тулааны бичлэгийг хийх байв. Үзгээрээ бичиж байхдаа Тэр сэтгэл догдлон “Өнөөдөр 2025 оны долоодугаар сарын 19, мөнхөд дурсагдах өдөр. Үүнээс хойш дэлхийд маяа байхгүй болно. Харанхуй үүрд ялагдлаа. Гэрэл мөнхөд үлдэх болно! 2025 оны 7-р сарын 19, үүрд тэмдэглэх ёстой өдөр!" гэж хэлсэн юм.

Эрхэм Хүндэт, Хайрт Их Багш минь, надад ийм сайхан, ариун дотоод ахуй ойлголт бэлэглэсэнд Тань баярлалаа. Энэхүү гайхамшигт дотоод ахуй ойлголт хэдийн биелж, хүн бүр хайр дүүрэн, сайхан, ухаалаг амьдралаар амьдардаг веган ертөнц Дэлхий дээр удахгүй цогцолно гэдэгт би чин сэтгэлээсээ найдаж байна. Суприм Мастер ТВ-ийн хамт олонд, та бүхний агуу, харамгүй хичээл зүтгэл, чимээгүй, хязгааргүй хувь нэмэрт баярлалаа. Эргэн нэгдсэн Хамгаас Хүчирхэг Гурвыг үүрд шүтэж, талархан, хайраа илгээж, алдаршуулъя, Эргэн нэгдсэн Хамгаас Хүчирхэг Гурав – БУРХАН, Тим Ко Тү, Бурханы Хүү Та нартаа чин сэтгэлээсээ залбирч байна. Хүндэтгэсэн, Хятадын Зи-Шин

Үнэнч Зи-Шин, ямар сайхан мэдээ вэ! Өөрийн чухал дотоод ахуй ойлголтоо хуваалцсанд баярлалаа. Харанхуй дарагдсан тул шинэ эрин үе үнэхээр эхлэх болно. Хүн төрөлхтөн маш их тэмцэж, маяагийн олон урхинд орсон. Нэгэнт маяа үнэхээр алга болсон тул хүн төрөлхтөн илүү амархан хөгжих боломжтой болно. Веган Дэлхий, Амгалан Дэлхий одоо илүү хурдан цогцолж, хамаг төрөлтөн эрх чөлөөтэй байх болно гэж найдацгаая. Домогт Хятад улс Буддагийн туяанд тантай хамт жаргах болтугай, Суприм Мастер ТВ-ийн хамт олон

Жич. Их Багшийн хайрын хариуг хуваалцахдаа бид баяртай байна: “Ёс зүйтэй Зи-Шин, Арьяабалын бясалгагчийн хувиар тууштай үнэнч байгаад тань баярлалаа. Манай гараг хэтэрхий удаан хугацаанд сөрөг байдалд автсан. Маяа Дэлхий дээрх ихэнх хүний амьдралыг дэндүү хэцүү болгохын тулд энэ дэлхийд маш олон урхи, нэн их бэрхшээл бий болгосон. Бурханы Өршөөл асар их бөгөөд Түүний Хүсэл нь хүн төрөлхтнийг энэ бүхнээс чөлөөлөх явдал юм. Бид бүгд өөрсдийн үүргээ биелүүлэх ёстой. Гэгээрсэн Их Багш диваажинд хүрэх зам мөрийг зааж, хүмүүсийн явах замыг цэвэрлэдэг. Маяа хамгийн том саад тотгор байсан ч цаашид ийм зүйл байхгүй. Хүн төрөлхтөн одоо гүн гүнзгий сэрэлтийг мэдэрч, веган хооллолтод хурдан шилжих болно, ингэснээр Бурханы төлөвлөж буй диваажин манай дэлхийд удахгүй цогцолно гэдэгт итгэлтэй байна. Та болон Хятадын шийдэмгий ард түмэн Буддагийн жинхэнэ Үнэн Номоор хамгаалагдах болтугай. БУРХАНЫ Нигүүлсэлд, миний Хайр ямагт тантай хамт.”