Sharing Many Inner Visions During Six-Day Meditation with Quan Yin Method at Temple

Өмнөд Солонгосоос Со Ёний илгээсэн сэтгэлийн үгийг одоо хүргэе:

Их Багш аа, би Өмнөд Солонгосын шавь байна. Энэ Чусок (Солонгосын Талархлын өдөр) баяраар Би сүмд зургаан өдрийн турш Арьяабалын Аргаар бясалгасан. Би олон дотоод ахуй ойлголттой болсон ч Их Багш үргэлж надтай хамт байдгийг ухаарсандаа хамгийн их талархаж байна.

Эхний өдөр би сууж байхдаа дотоод Диваажингийн Гэрлийг харахыг ихэд хүсэн хүлээж буйгаа мэдрэв. Тиймээс би тэр даруй Их Багшид залбирахад Та намайг шуналаас ангид байж, Билиг ухаанд таатайгаар төвлөрөх Нигүүлслээр тэр даруй адисалсан.

Аюулгүй байдлын энэ гүн гүнзгий мэдрэмжээр би Их Багшийн Хайрыг мэдэрч, Билгийн мэлмийгээс цацрах гэрэлт энерги удалгүй миний бүх оршихуйг дүүргэв. Энэ бол “Их Багшийн хамгаалалтын бамбай!”гэдгийг би зөнгөөрөө ойлгосон.

Тэгээд би сүмд бясалгах үед хүмүүсийн дуу чимээ миний төвлөрөлд огтхон ч нөлөөлөөгүйг анзаарсан. Их Багшийн Дээдийн Номын айлдварыг сонсох бүрдээ би сургаалыг нь ойлгож байсан ч заримдаа“Энэ зөв зам мөн үү?” гэж гайхширч байгаагаа олж мэдсэн. Би Их Багшийн үгэнд огт эргэлзэж байгаагүй, Таныг ямагт хүсэн хүлээж байсан болохоор яагаад надад ийм эргэлзээ төрнө вэ?” гэж өөрийгөө загнаж байв. Гэвч Их Багш миний эргэлзээ нь дотоод Диваажингийн Гэрэл, Аялгууг илүү их мэдрэх хүсэл эрмэлзлээс минь үүдэлтэй гэдгийг ойлгоход тусалсан.

Миний байнга тэмцэлддэг өөр нэг зүйл бол "Би хамгийн сайн сүнслэг бясалгалыг хийж байна" гэж боддог бардам зан минь байсан. Гэвч Их Багшийг олон нийтэд лекц уншихад би нүдээ аниад, Ариун Нэрсээ уншиж байхдаа гэнэтхэн энэ үнэнийг ойлгов: “Та бол хамгийн Агуу Их Багш, харин би биш. Энэ агуу Дээдийн Номтой учирсан нь миний өөрийн чадвартай ямар ч холбоогүй, харин зөвхөн Их Багшийн болзолгүй Ивээлийн ач юм.” Тэр мөчид миний харах өнцөг өөрчлөгдөж, би даруухан болсон. Би гутлын тавиур, шат болон бусад газрыг цэвэрлэж эхэлсэн бөгөөд эргэн тойрныхоо бүх хүмүүст гэтлэгдэхийг хүсэв.

Намайг сайхан сэтгэлтэй амьдрахад чиглүүлсэн Их Багшдаа баярлалаа. Мөн миний байх ёстой газар бол миний хамгийн аз жаргалтай, тохь тухтай байдаг газар болох Билгийн мэлмийд үргэлж оршдогийг ойлгоход тусалсан Их Багшдаа үнэхээр их талархнам. Бурхан бүх зүйлийг Таны Тааллын дагуу дэлгэх болтугай! Би Танд хайртай. Өмнөд Солонгосын Со Ёнь

Хүндэт Со Ёнь, бид Арьяабалын бясалгалыг чин сэтгэлээсээ дадуулах үед Их Багшийнхаа Ивээлийн буянаар сүнслэг дэвшлийг хүртэж буй нь их хувь завшаан юм.

Их Багшийн баяр хөөртэй захиас таныг хүлээж байна: “Аз жаргалтай Со Ёнь, Арьяабалын ийм үнэнч бясалгагч байж, оюун санааны аялалдаа сайхнаар дэвжин хөгжиж буйд баярлалаа. Дотоод билиг ухаан, ухаарлыг бүрэн олж авах нь бидний энэ дэлхий дээр ойлгож чадах бүхнээс хамаагүй илүү шан харамж өгдөг. Гэсэн хэдий ч, энэ бол мөсөн уулын зөвхөн орой нь юм. Учир нь Бурханы Диваажингийн Хаант улсад олж мэдэх бүр ч их зүйл бий. Хэрэв энэ нь таны энэ насны хувь тавилан л бол, энэ Дээдийн Ном төгсөх эринд тийм ч хялбар биш ч гэсэн, та Гэгээнтний зэрэг (Бурханы хутаг)-т хүрэх хүртлээ цаг хугацаа өнгөрөхийн хэрээр өөрийгөө ухаарах түвшин тань улам бүр дээшилсээр байх болно. Энэ зуур, Их Багш таныг Орчлонгийн Хүчтэй холбогдож, бүрэн Гэгээрэлд хүрэх Замд мөрд оруулахад тусалсан тул үүнийгээ төгсгөл хүртэл үргэлжлүүлж, БУРХАН, зүг зүгийн бүх Будда/Мэргэдийн боломжит хамаг Ивээл, дэмжлэгийг эдлээрэй. Хүчтэй болж өсөн, нас биед хүрэхийн тулд эцэг эхийн Хайр, Халамж хэрэгтэй байгаа хүүхдийн хувиар Тэдэнд, Оройн Дээд Бурханд залбир, Хамгийн Хүчирхэг Гуравт тасралтгүй Удирдамж, Хамгаалал өгөхийг хүсэн залбираарай. Таныг сайтар ахиж дэвшиж буйг мэдсэндээ баяртай байна, мөнхийн чөлөөлөлтийн замд тань хамгийн сайн сайхныг хүсэн ерөөе. Тэнгэрлэг удирдамжаар Та болон баялаг соёлтой Өмнөд Солонгос улс Хайр, Нигүүлслийн бэлгэдэл байх болтугай. Хайртай, хайртай.”