ӨДӨР ТУТМЫН МЭДЭЭ-ний гол тойм – 2026 оны 6-р сарын 9

Киргизстан улс түүхэндээ анх удаа НҮБ-ын Аюулгүйн Зөвлөлд сонгогдож, 2027–2028 оны Ази-Номхон далайн бүсийн суудлыг НҮБ-ын Ерөнхий Ассамблейн санал хураалтаар авлаа. Мөн энэ хугацаанд ажиллах бусад байнгын бус суудалд Зимбабве, Тринидад ба Тобаго, Португал, Австри улсууд сонгогдсон байна. (евроньюс)

Израил улс Ливаны өмнөд бүсийн есөн тосгоны иргэдийг нүүлгэн шилжүүлэх тушаал өгсний дараа өмнөд нутгийн олон бүсэд цохилт өгч, зургаан хүний амийг хөнөөж, мянга мянган хүнийг дүрвэхэд хүргэжээ. Уг халдлага нь Хезболла бүлэглэл АНУ-ын зуучилсан гал зогсоох саналыг няцааснаас нэг өдрийн дараа болсон байна. Тус бүлэглэл Израил улс агаараас цохилтоо үргэлжлүүлж болох тул энэ нь бууж өгсөнтэй адил гэж мэдэгджээ. Израил улс [Ливаны] Набатие руу урагшлахын хэрээр тулаан үргэлжилж, Хезболлагийн зөвшөөрөлгүйгээр хэлэлцээрийн ирээдүй тодорхойгүй хэвээр байна. (Гардиан)

АНУ-ын Төв командлалын мэдэгдсэнээр Америкийн цэргийн хүчин Ормузын хоолойг чиглэн хөөргөсөн Ираны нэг чиглэлт довтолгооны 4 дроныг устгасан гэж мэдэгдэж, тэдгээрийг бүс нутгийн далайн тээвэрт учирч буй “шууд аюул” хэмээн тодорхойлжээ. Дараа нь цаашдын халдлагаас сэргийлэх зорилгоор Ираны эргийн радарын байгууламжуудад цохилт өгсөн байна. (Фокс Ньюс)

Их Британийн малын эмч, телевизийн хөтлөгч доктор Жулиан Нортон нохой-хүмүүс өөрсдийгөө гэр бүлийн нэг хэсэг мэт мэдэрч, анхаарал хүсдэг учраас долоож, хоншоороороо шүргэж, түлхдэг гэж тайлбарлажээ. Тэрээр нохой-хүмүүс хүний нүүр, гар, хөлийг долоох нь ихэвчлэн дотно холбоо, сэтгэл хөдлөлийг нь мэдэх оролдлого, мөн гэр бүлийн хүн гишүүн нь юу мэдэрч байгааг ойлгохыг хүсэж буйг илтгэдэг гэжээ. Эдгээр дохио зангаа нь нохой-хүмүүс асран халамжлагчидтайгаа холбоогоо бэхжүүлэхэд тусалдаг. Сүүлээ шарвах, “инээмсэглэх” нь мөн сэтгэл хөдлөлийг илэрхийлнэ: сул, өндөр шарвалт нь баяр хөөрийг, харин удаан, доогуур шарвалт нь түгшүүрийг илтгэж болно. Сүүлээ шарваж, амаа мурийлган “инээмсэглэсэн” тайван байрлал нь тоглох дуртай, тав тухтай нохой анд гэдгийг харуулдаг. (Миррор)

Их Британи улс эрүүл мэнд, уур амьсгалын онцгой байдлын үед мэргэжилтний шуурхай зөвлөгөө өгөх, Африк дахь Эбола вируст авах хариу арга хэмжээг бодит цагт дүн шинжилгээ, нийгмийн зан үйлийн судалгаагаар дэмжих, Эбола вирусийн Бундибугио омгийн шинэ оношилгоо, эмчилгээнд 5 сая фунт хүртэлх санхүүжилт олгох зорилгоор Олон аюулын судалгааны шинэ сүлжээ байгууллаа. (Gov.uk)

Хариуцлагатай Анагаах Ухааны Эмч нарын Хороо [PCRM]-ны санал асуулгаар АНУ-ын эрчүүдийн 53% нь амьтан-хүний мах ихтэй хооллолтыг эрэгтэйлэг байдалтай холбодог бол зөвхөн 10% нь ургамлын гаралтай хооллолттой холбодгийг тогтоожээ. Гэсэн ч амьтан-хүний махны өндөр хэрэглээ нь зүрхний өвчин, үр тогтоох чадварын асуудал, бүдүүн гэдэсний хорт хавдрын эрсдэлийг нэмэгдүүлдэг гэдгийг олж мэдсэнийхээ дараа 63% нь зуршлаа өөрчлөхөд бэлэн гэжээ. Мөн эдгээр дүгнэлт боловсрол, эрүүл мэндийн найдвартай зөвлөгөө нь ашиг тустай веган хүнс рүү шилжихийг хүчтэй дэмждэгийг харуулж байна. (PCRM)

[Японы] Осака Хотын Их Сургуулийн Nutrients сэтгүүлд нийтлэгдсэн судалгаанд архаг ядаргааг В12 аминдэм, фолатын дутагдалтай холбон тайлбарлажээ. Эдгээр дутагдал нь цусан дахь гомоцистеины түвшнийг нэмэгдүүлж, эрчүүдэд биеийн ядаргаа үүсгэн, эмэгтэйчүүдийн сэтгэл зүйн идэвхийг сулруулдаг. Мэргэжилтнүүд тайлбарлахад бэрх амьдралын хэв маягийн ядаргааг оношлохын тулд тэнцвэртэй хооллож, гомоцистеиныг хянахыг уриалж байна. (СкайТех Дэйли)

Сингапурт 12 настнуудын бараг 60%, өсвөр насныхны 80% нь ойрын хараа муудсан байна. Сингапурын Үндэсний Нүдний Төвийн Хараа заслын газрын клиникийн захирал доктор Фү Ли Лянь эцэг эхчүүдэд хараа муудаж буй нь зүгээр нэг хараа засах асуудал бус, эмнэлгийн эрсдэл гэж үзэхийг уриалж, эрт арга хэмжээ авах нь насан туршийн нүдний хүнд хүндрэлээс сэргийлдгийг онцолжээ. (Чаннель Ньюс Азия)

Мэргэжилтнүүд дунд насанд нийтлэг тохиолддог 7 зуршил нь урт хугацааны эрүүл мэндэд ихээхэн хохирол учруулдгийг анхааруулж байна: 1. Нойр муу байх 2. Эрүүл бус хооллолт 3. Хөдөлгөөний дутагдал 4. Өвдөлтийг үл тоох 5. Нийгмээс тусгаарлагдах, ганцаардах 6. Донтох зуршил 7. Сөрөг бодол Гэр бүл, ажлын хүчтэй дарамтаас болж, дунд насныхан өөртөө анхаарал тавихаа орхигдуулах нь элбэг байдаг. Мэргэжилтнүүд эдгээр зуршлыг тогтмол дасгал хөдөлгөөн, зөв хооллолт, бат бөх нийгмийн харилцаагаар солих нь урт наслах болон ирээдүйн амьдралын чанарыг эрс сайжруулдаг гэж онцолж байна. (Хафф Пост)

6-р сарын 11-нд [Мексикийн] Мехико хотод болох Мексик, Өмнөд Африкийн ДАШТ-ий нээлтийн тоглолтод халуун орны шуурганы систем аюул учруулж байна. Цаг уурчид саад учруулахуйц усархаг бороо, аянга цахилгаантай бороо, хэт өндөр чийгшлээс сэрэмжлүүлж байна. Тэмцээний уур амьсгалтай холбоотой эрсдэлийг бууруулахын тулд FIFA [Олон улсын хөлбөмбөгийн холбоо] чийглэг халууны хэмжүүр болох чийгтэй-гэрлийн бөмбөлөгт температур нь 32°C хүрвэл халууны ачааллыг багасгахын тулд тоглолтыг хойшлуулах, тоглогчдод ус уух завсарлага өгөх, ойролцоо аянга цахивал тоглолтыг заавал зогсоох арга хэмжээ авахаар төлөвлөж байна. (Дэйли Мэйл)

Улам даамжирч буй ой хээрийн түймрийн утаа нь АНУ-ын агаарын чанарт гарсан олон жилийн ахицыг ухраасан гэж Айовагийн Их Сургуулийн судлаачид Science сэтгүүлд нийтэлжээ. Газрын түвшний озоны хэмжээ 2015 оноос өмнө буурч байсан ч утаа бохирдлыг асар хол зайд тарааснаар түүнээс хойш өсжээ. Эрдэмтэд энэ хандлагыг уур амьсгалын өөрчлөлттэй холбож, түймрээс үүдэлтэй газрын гадаргын озоны бохирдлоос шалтгаалах эрт нас баралт 2013 оноос хойш 46%-иар өссөнийг анхааруулж байна. (Гардиан)

Халууны давлагааны үеэр хүмүүс ихэвчлэн гэртээ хоргоддог бол агааржуулагчгүй хүмүүст худалдааны төв, цэцэрлэгт хүрээлэн амин чухал хоргодох газар болдог гэж [Их Британийн] Оксфордын Их Сургуулийн судалгаагаар тогтоожээ. Бразил, Энэтхэг, АНУ зэрэг долоон орны гар утасны хөдөлгөөний мэдээлэлд дүн шинжилгээ хийсэн судлаачид хэт халсан үед хамгийн ядуу хүмүүс хамгийн их эрсдэлтэй тулгардаг гэж анхааруулжээ. (Гардиан)

Евробарометрийн шинэ судалгаанаас үзэхэд Европчууд биологийн олон янз байдлыг хамгаалахыг хүчтэй дэмжсэн хэвээр байна. Тэдний 90 гаруй хувь нь байгаль хамгаалал нь эрүүл мэнд, хүнсний аюулгүй байдал, цэвэр ус, уур амьсгалд тэсвэртэй байдал, урт хугацааны эдийн засгийн тогтвортой байдалд зайлшгүй чухал гэж үзэж, одоо үргэлжилж буй эдийн засаг, геополитикийн дарамтыг үл харгалзан Европын Холбооны арга хэмжээ болон хамгаалалттай бүсүүдийг өргөнөөр дэмжжээ. (Европын Хороо)

НҮБ 6-рсарын 4-нд дэлхийн далай тэнгисийг хамгаалахын тулд олон улсын хамтын нийгэмлэг илүү хурдан, хүчтэй арга хэмжээ авахыг уриалсан мэдээлэл хийжээ. Мэргэжилтнүүд далайн дордож буй аюул заналыг онцолж, шинжлэх ухаанд суурилсан, хамтын шийдвэр гаргахыг шаардсан байна. Дэлхийн далайн төлөв байдлын талаар олон улсын бодлогыг чиглүүлэхэд ашигладаг НҮБ-ын шинжлэх ухааны иж бүрэн тойм болох Дэлхийн далайн үнэлгээг 6-р сарын 8-нд нийтлэхийн өмнө уг уулзалтыг зохион байгуулжээ. (Бао Тинь түк)

Коста Рикагийн Носара дүүрэгт шүүхээс төрийн цахилгааны компанид сармагчин-хүмүүс их хэмжээгээр цахилгаанд цохиулан амиа алдахад хүргэсэн, цахилгааны аюултай ил гарсан шугамыг засахыг үүрэгдсэний дараа тус улс улигч сармагчин-ардыг хамгаалах томоохон алхам хийлээ. Байгаль хамгаалагчид энэ шийдвэр улс даяар тусгаарлагчтай кабель болон зэрлэг амьтдад аюулгүй бусад дэд бүтцийг нэвтрүүлэхэд түлхэц болно гэж найдаж байна. (Гардиан)

Одон орон судлаачид нарны хэмнэлт чичиргээний бараг 40 жилийн өгөгдөлд дүн шинжилгээ хийсний дараа Нарны дотоод “зүрхний цохилт” буюу Нарны доторх нарийн хэмнэлт чичиргээнд ер бусын өөрчлөлт байгааг илрүүлжээ. Эдгээр чичиргээний хэв шинж нь Нарны соронзон идэвхжил харагдах гадаргынхаа доорх илүү гүехэн давхаргад төвлөрч байгааг илтгэж, гадаргын ажиглалтаар илэрдэггүй дотоод өөрчлөлтийг харуулж байж болзошгүй юм. Эрдэмтэд энэ нь хиймэл дагуул, GPS [Дэлхийн байрлал тогтоох систем], харилцаа холбоо, дэлхийн цахилгаан сүлжээнд нөлөөлж болзошгүй сансрын цаг агаарын үзэгдлийн урьдчилсан таамаглалыг сайжруулж магадгүй гэжээ. (Түөй Трэ)

[АНУ-ын] Рочестерын Их Сургуульд боловсруулсан нарны эрчим хүчээр ажилладаг давсгүйжүүлэх шинэ систем нь далайн усыг хортой давсны өтгөрүүлсэн уусмал үүсгэлгүй ундны ус болгон хувиргахын зэрэгцээ литий зэрэг үнэ цэнтэй эрдсийг гарган авдаг байна. (СкайТех Дэйли)

Шинэ мэдээллээр АНУ-ын өрхүүдийн 60% нь 2025 онд ургамлын гаралтай бүтээгдэхүүн худалдан авч, жижиглэн худалдааны борлуулалт тогтвортойгоор 7.9 тэрбум ам.долларт хүрчээ. Веган сүү зах зээлийг тэргүүлж байгаа бол тус улсын Баруун Дундад бүсэд өсөлт хамгийн хурдтай байжээ. (Грийн Куийн)

Канад, Финландын өгөгдөл ашигласан шинэ судалгаагаар инфляцын үед ургамлын гаралтай уургийн борлуулалт амьтан-хүний махны худалдан авалттай харьцуулахад илүү тэсвэртэй хэвээр байгааг харуулжээ. Үнэ өсөхөд хэрэглэгчид сүүлийн бүтээгдэхүүнд зарцуулах зардлаа илүү огцом танадаг байна. Судлаачид тогтвортой хооллолтыг дэмжихийн тулд шош, сэвэг зарам, вандуй зэрэг хямд үнэтэй бүхэл хүнсний сонголтыг лангуун дээр нэмэгдүүлж, тэдгээрт хөнгөлөлт, татаас олгохыг уриалж байна. (Нутришн Инсайт)

Сүүн бүтээгдэхүүн агуулаагүй Violife брэнд веган бяслагийн хэрэглээг нэмэгдүүлэхээр “Undairy the Dish” олон нийтийн сүлжээний аянаа TikTok, Instagram дээр эхлүүллээ. Уг санаачилга нь веган хувилбарууд уламжлалт сүүн бүтээгдэхүүнтэй дүйцэж чадна гэдгийг батлах зорилготой юм. (Маркетинг Дайв)

Арабын Нэгдсэн Эмират Улсад амьдардаг 10 настай ирак хүү Юсеф Аль Ваэли донорын санхүүжилттэй, 2.89 сая ам.долларын Elevidys гений эмчилгээний тариа хийлгэсний дараа сайжирч байна. Энэ нь дэлхийн хамгийн үнэтэй эмүүдийн нэг юм. Тэрээр булчинг аажмаар сулруулдаг Дюшенний булчингийн дистрофи өвчний эсрэг илүү хүчтэй байгаагаа мэдэрч, гурван сарын нөхөн сэргээх хөтөлбөр эхлүүлжээ (Нэйшнл Ньюс)

[Балба улсын] Непалганж хотын оршин суугчид хаягдсан хуванцар савыг халууны давалгаанд өртсөн шувуу- болон жижиг амьтан-хүмүүст зориулсан өлгөөтэй усны сав болгон дахин ашиглах аяныг эхлүүллээ. Сайн дурын ажилтнууд агаарын хэм нэмэгдэж буй энэ үед орон нутгийн экосистемийг хамгаалах зорилгоор Сурхет замаас худалдааны төв Ранжа Чоук хүртэл долоо хоног бүр усны цэгүүд байрлуулж байна. (Райзин Непал)

Спрингсийн SPCA [Амьтдад харгис хандахаас урьдчилан сэргийлэх нийгэмлэг] Өмнөд Африкт амьтан-хүмүүсийн сайн сайхны төлөө 14 жил ажилласан Паулос Ленка Холуд олон жил ажилласны төлөө хүндэтгэл үзүүллээ. Амьтдын халамжийн хамгаалах туслах, хээрийн ажилтны хувьд ноён Холу зовлонд орсон амьтан-иргэдийг аварч, орон нутгийн иргэдэд дэмжлэг үзүүлж, тэжээвэр амьтан-хүмүүсийг хариуцлагатай асрахыг сурталчилдаг байна. (Гүүд Тингс Гая)

Өдрийн урам зориг өгөх эшлэл: “Өчигдөр унасан бол өнөөдөр бос.” – Британийн нэрт зохиолч, туурвигч Х.Г. Уэллс (BrainyQuote)

Өмнө нь доктор Дебора Кингийн клиник үхэлд орсон тохиолдлын цуврал дугаарын 1, 2-р хэсэгт Дебора зүрх нь бүрэн зогсож, биеэсээ гарч, улмаар хар хоосон орон зайд орсон гэдгээ ухаарсан тухай ярьсан. Тэр улам бүр томорч буй Гэрэл рүү ойртоход харанхуй нээгдэж, сүнснүүдийн амьд өргөн сүлжээ болон хувирсан ба Дебора өөрийгөө зөвхөн түүний нэг хэсэг бус, чухал хэсэг нь гэдгээ ойлгосон аж.

Дараа нь Тэнгэрлэг оршихуй эхлээд түүнд харж буй зүйлээ ойлгоход тусалж, амьдралын тойм руу хөтөлсөн байна. Дараа нь амьдралын тойм Деборагийн дурсамжаас нь даван өргөжив. Тэгээд надад матриц дахь бусад сүнснүүдийн амьдралын үйл явдлууд гэж л тодорхойлж болох дүр зургуудыг үзүүлсэн. Энэ нь надад жаахан ойлгомжгүй байлаа. Учир нь би: “За, би өөрийнхөө асуудлыг даван туулах гэж хангалттай зовж байна. Та яагаад надад үүнийг үзүүлнэ вэ?” гэж бодож байснаа санаж байна. Би зарим сүнсийг таньсан бөгөөд одоо бодоход тэдний зарим нь эрүүл мэндийн салбарт олон жил ажиллах хугацаанд миний өвчтөнүүд байсан байх гэж итгэдэг. Гэвч эдгээр үйл явдлын зарим нь сэтгэл зүйн гэмтэл учруулсан, хэн нэгэн аймшигтайгаар хохирсон, эсвэл тэд маш хүнд гарз хохирол амссан, зарим тохиолдолд гэмт хэрэг үйлдэгч байсан нь хүний амьдрал дахь надад дахиад л ойлгомжгүй байв. Тийм ээ? Тэгээд би: “Та намайг энэ мэдээллээр юу хийлгэхийг хүсэж байна вэ?” гэж бодсоноо санаж байна. Тэр даруй надад: “Үйл явдлыг бүү хар. Гэрлүүдийг хар.” гэсэн үгс сонсогдсон. Тэгээд би тайвширч, Гэрлүүдийг харлаа. Тэр Гэрлийн өмнө надад үзүүлсэн бүх үйл явдал тухайн сүнстэй холбоотой байсан ч сүнсний Гэрлийг харахад юу ч өөрчлөгдөөгүй. Ямар үйл явдал байсан нь хамаагүй, тэр Гэрэл тод, чичирхийлсэн, бүтэн байсан. Тэгээд би: “Харж байна уу, сүнсэнд юу ч хор хүргэж чадахгүй.” гэсэн үгийг тод сонсов. Танд хэн нэгэнд тохиолдож болох юу ч, эсвэл хийж болох юу ч сүнсэнд нөлөөлж чадахгүй. Сүнс үхэшгүй мөнх. Сүнс бүрэн, сүнс бүтэн хэвээр. Тэгээд би: “Хөөх, үүнийг өмнө нь мэддэг байсан ч болоосой. Би үнэхээр үүнийг өмнө нь мэддэг байсан ч ##болоосой.” гэж бодсоноо санаж байна.

Дараа нь хоёр Гэрэл уг сүлжээнээс салж, Дебора руу ойртон иржээ. Эхнийхийг нь тэр даруй танилаа. Энэ нь олон арван жилийн өмнө залуу сувилагч байх үедээ сэхээн амьдруулах тасаг [САТ]-т амийг нь аврахад тусалсан өвчтөн байлаа. Дебора клиник үхэлд орохоосоо өмнө Жонс Хопкинс эмнэлгийн САТ-т оройн ээлжид ажиллаж байхад 40 гаруй насны нэг эрийн зүрх гэнэт зогсжээ. Тус баг хэд хэдэн удаагийн эмийн болон бусад эмчилгээг аль хэдийн хийсэн ч сэхээн амьдруулах ажиллагаа сайн үр дүн өгөхгүй байв. Ахлах резидент эмч сэхээн амьдруулах ажиллагааг дуусгаж, нас барсан цагийг зарлах цаг болсныг мэдэгдэв. Гэвч ямар нэг зүйл Дебораг бараг өөрийн эрхгүй “Дахиад нэг удаа оролдоод үзэж болохгүй юу?” гэж хэлэхэд хүргэжээ. Тэд дахин оролдож үзээд, өвчтөнийг буцаан амь оруулжээ. Хоёр өдрийн дараа түүнийг эргэн ирэхэд өвчтөн сэрж, ухаан санаа нь саруул, амьсгалын гуурсаа авхуулсан байв. Тэр Дебораг тэр даруй таньж, өөрийг нь сэхээн амьдруулах гэж оролдож байх үед тэд дахиад нэг удаа оролдох хэрэгтэй гэж хэлэхийг нь сонссон хэмээн хэлжээ. Мөн тэр зүрх нь зогссон байхад хийгдсэн сэхээн амьдруулах ажиллагааны үеийн нарийн ширийн зүйлсийг дүрсэлсний дотор Дебора болон ахлах резидент эмч хаана зогсож байсан, мэдээгүйжүүлэгч эмч хэзээ орж ирсэн, тэр эмч ямар харагдаж байсан зэргийг ярьсан байна. Тэр орой гэртээ харьж, тэмдэглэлийн дэвтэртээ: “Энэ бүхнийг өөрчилж байна.” гэж бичжээ.

Одоо Гэрэл дотор тэрхүү өвчтөн дахин түүний өмнө зогсож байлаа. Би үнэхээр алмайрсан. Би түүнийг хэн болохыг шууд танив. Тэгээд: “Өө, хөөх. Энэ үнэхээр чи мөн үү? Энэ үнэхээр тэр мөн үү?” гэж бодсон. Тэгээд [энэ нь агшин зуурын], телепат буюу бодлоос бодолд дамжих харилцаа шиг байсан. Тэр: “Тийм ээ, би байна. Би байна.” гэж хэлсэн. Тэгээд, ямар нэг байдлаар үүнийг илэрхийлэх үг надад алга, тэр намайг тэнд ирнэ гэдгийг мэдэж, тэнд өөрийгөө байх ёстой гэсэн нь надад тодорхой байсан. Яг л: “Чиний суусан галт тэрэг ирнэ гэдгийг би мэдэж байсан, тэгээд өөртөө чамайг угтахаар буудал дээр заавал байх ёстой.” гэсэн мэт. Надад төрсөн мэдрэмж ийм л байсан. Тэр: “Би чамд нэг мэдээ өгөхөөр энд ирсэн. Тэр мэдээ нь: ‘70-аад онд залуу сувилагч байхад тань бидэнд тохиолдсон тэр явдал санамсаргүй явдал байгаагүй. Үнэндээ санамсаргүй зүйл гэж байдаггүй.’ гэсэн мэдээ юм.”гэсэн. Тэгээд би зүгээр л сонссон. Тэр: “Та тэр тухай хэнд ч хэзээ ч хэлээгүй шүү дээ.” гэсэн. Түүний зөв байсан. Би үнэхээр хэлээгүй. Тэгээд тэр: “Үүнийг дуусгах цаг болсон. Энэ маш олон хүнд тусалж чадна. Та үүнийг үнэхээр хуваалцах ёстой.” гэж хэлэв.

Тэгээд би шууд л: “За, түр хүлээ. Одоо жаахан удааширъя. Би Гэрэл, хайрын энэ гайхамшигтай газарт байж, өөрийгөө хязгааргүй мэт мэдэрсэн. Биеэсээ гарснаар надад маш их тэлсэн мэт санагдсан. Хэрэв би үүнийг, түүний хэлж буйг хийвэл би буцах ёстой гэсэн үг. Буцахгүйгээр би өөрөөр яаж хүмүүст энэ тухай хэлэх билээ?” гэж бодсоноо санаж байна. Тэгээд би нэг төрлийн жижигхэн сүнслэг уур бухимдал гаргаж эхэлсэн. Би: “Өө, түр хүлээ. Түр хүлээ. Тэр сайхан л даа, гэхдээ чи, магадгүй өөр хэн нэгэн үүнийг хийж болохгүй юу? Яагаад гэвэл, нэг асуудал байна, би буцахгүй. Би зүгээр л энд үлдэнэ.” гэж хэлсэн. Харин тэр: “За, зүгээр дээ. Юу мэдэрч буйг тань би ойлгож байна. Үнэн гэвэл та буцах шийдвэрээ аль хэдийн гаргасан.” гэж хэлэв. Өө, энэ намайг үнэхээр бүрэн төөрөгдүүлж орхисон. Би: “Тэр юу яриад байгааг сайн мэдэхгүй байна, гэхдээ тэр үүнийг надаас сонсоогүй.” гэж бодсон. Би “Үгүй, үгүй, үгүй. Чи буруу ойлгосон байна. Би тийм шийдвэр гаргаагүй. Би энд үлдэнэ.” гэж хэлсэн.

4-р хэсэгт Дебора буцахгүй гэж зүтгэхэд, түүний хуучин өвчтөн бүдгэрч, хоёр дахь Гэрэл ойртон ирсэн тухай өгүүлнэ. Би: “Аав аа! Энэ та байна! Үнэхээр та байна!” гэсэн. Тэр: “Тийм ээ, би байна. Би үнэндээ хаашаа ч яваагүй.” гэсэн. Доктор Дебора Кингийн клиник үхлийн тохиолдлын цувралын 4-р хэсгээр маргааш бидэнтэй хамт байгаарай. (Хитер Тештэй хамт чанагуух ертөнцөд)