ӨДӨР ТУТМЫН МЭДЭЭ-ний гол тойм – 2025 оны 9-р сарын 10

Ерөнхийлөгч Д.Трамп Европын удирдагчдыг ОХУ-аас хараат байхаа зогсоож, худалдааны түншүүддээ тавьж буй хориг арга хэмжээг хэлэлцэж үзэхийг шаардсаны маргааш нь Украин (Урейн)-ы ерөнхийлөгч Зеленский Словакийн ерөнхий сайд Фицод Оросын нефтийг худалдан авахаа зогсоохыг уриалж, Европын эрчим хүч Оросоос хамаарах ёсгүйг онцоллоо. (Нью-Йорк Пост)

Францын Ерөнхийлөгч Макрон Украин (Урейн)-д дайны дараа 26 улс цэргээ оруулахаар тохиролцсон гэж мэдэгдсэн бол АНУ-ын Ерөнхийлөгч Трамп чимээгүйхэн дэмжлэг үзүүлж байна. (VTV.vn)

АНУ хар тамхины бүлэглэлтэй тэмцэхийн тулд Карибын тэнгист сөнөөгч онгоцнуудаа байрлуулсан бөгөөд үүнд долоон байлдааны хөлөг онгоц, нэг цөмийн шумбагч онгоц, 4500 гаруй цэрэг оролцож байна. (Скай Ньюс)

АНУ Эквадорын Лос Чонерос, Лос Лобосын бүлэглэлүүдийг Мексикийн хар тамхины бүлэглэлтэй холбоотой террорист бүлэглэл хэмээн тодорхойлжээ. Ингэснээр АНУ одоо эдгээр бүлэглэлийн эсрэг цэргийн ажиллагаа явуулах боломжтой болж байгаа юм. (АНУ-ын Төрийн департамент)

АНУ-ын Ерөнхийлөгч Трамп 2026 оны Их 20-ын дээд хэмжээний уулзалтыг [Флорида мужийн] Майами хот дахь Өөрийн эзэмшлийн Дорал амралтын газартаа зохион байгуулна гэдгээ баталж, энэ нь нисэх онгоцны буудалтай ойр тул тав тухтай, мөн уулзалт нь АНУ-ын 250 жилийн ойтой давхцаж байна гэж мэдэгдэв. (Фокс Ньюс)

АНУ-ын Сангийн сайд Бессент Холбооны нөөцийн сан [ХНС]-г инфляцыг хөөрөгдөж, баячуудыг баяжуулж, санхүүгийн хөрөнгийг зориулалтын бусаар ашигласан гэж буруутган, бүрэн хэмжээнд хянаж шалгахыг уриалав. Тэрээр ХНС-г банкны хяналтаас гарах, хямралаас бусад үед бондын худалдан авалтыг багасгахыг шаардаж байна. Сайд Бессент 2026 оны 5-р сард бүрэн эрхийн хугацаа нь дуусах дарга Жером Пауэллийн оронд нэр дэвшигчдийг хайж эхэлсэнтэй холбогдуулан ийм алхам хийлээ. (Нью-Йорк Пост)

АНУ-ын холбооны мөрдөгчид сургуулийн өмнөх насны хүүхдүүдийн болзошгүй аллагыг зогсоож, хар арьст хүүхдүүдийг ална хэмээн арьс өнгөөр ​​ялгаварлан гадуурхаж заналхийлсэн хэргээр Хойд Каролинагийн нэгэн эрийг ютюб дэх түгшүүртэй бичлэгийг нь анхааралдаа авсны дараа баривчлав. (Фокс Ньюс)

АНУ-ын Хууль зүйн Яам Бостон хот, мөн хотын дарга Мишель Вуг хууль бус гэмт хэрэгтэн цагаачдыг баривчлахыг хориглосон дархан цаазат хотын хууль тогтоомжийнх нь улмаас шүүхэд өгчээ. (АНУ-ын Хууль зүйн Яам)

[АНУ-ын] Балтиморын иргэд АНУ-ын цэргүүдийг “бүх зүйлийг цэгцлэх”-ээр ирүүлэхийг хүсэж, Ерөнхийлөгч Трампын авсан шийдвэртэй арга хэмжээ нь Вашингтон хотод хүчирхийллийн гэмт хэрэгтэй тэмцэхэд тусалсан гэж мэдэгдэв. (Фокс Ньюс)

[АНУ-ын] Жоржиа мужийн амбан захирагч [Бүгд найрамдах намын] Брайан Кемп Ерөнхийлөгч Трампад гэмт хэрэгтэй тэмцэхэд нь туслах зорилгоор Вашингтон хот руу Үндэсний гвардын 300 гаруй цэргийг илгээж, холбооны ажиллагаанд бусад долоон мужтай нэгдлээ. (Фокс Ньюс)

АНУ-ын тайланд Байдены засаг захиргаанд Христийн шашны эсрэг “тогтвортой, системтэй” ялгаварлал байсныг тогтоов. Жишээлбэл: КОВИД-ын эсрэг вакцинаас тэгш бусаар чөлөөлөх, сургуулийн торгууль, шашин шүтлэгт итгэгчдэд чиглэсэн хяналтын үйл ажиллагаа явуулсан зэрэг тохиолдлууд багтжээ. (Нью-Йорк Пост)

Тайланд улс өнгөрсөн сард ерөнхий сайд Паетонгтарн Чинаватыг огцруулсныхаа дараа Бхумжайтай намын дарга Анутин Чарнвиракулыг ерөнхий сайдаар сонголоо. (Бангкок Пост)

Эмч нарын хэлж буйгаар хауттюйния нь архаг үрэвсэлтэй тэмцэн, нойр булчирхайг хамгаалж, инсулины хэмжээг нэмэгдүүлэх замаар чихрийн шижинг эмчлэхэд тусалдаг. Үүний хөргөх үйлчилгээ нь элгийг цэвэрлэж, цусны даралтыг бууруулан, хоргүйжүүлэхэд тусалдаг. Долоо хоногт 2-3 удаа түүхий эсвэл буталсан байдлаар тэжээллэг веган хоолны нэг хэсэг болгон идэх нь хамгийн тохиромжтой. (Bs Minh Hạnh)

Мэргэжилтнүүдийн үзэж буйгаар япон гичийн бууцай нь А, С витамин зэрэг ургамлын гаралтай шим тэжээлээр дамжуулан харааг тань хамгаалж чадна. Мөн бөөр, нойр булчирхайг дэмждэг. Японы гичийн бууцайг долоо хоногт 2-3 удаа бага зэрэг уураар жигнэж, эсвэл шөлөнд хийж идээрэй. (Bs Minh Hạnh)

Судлаачид юуцай нь үрэвслийг бууруулж, нойр булчирхайг хамгаалан, цусны эргэлтийг сайжруулдаг гэж өндрөөр үнэлдэг. Кали, магни, эслэгээр баялаг энэхүү амттай ногоо нь цусны даралтыг бууруулж, сахрыг тэнцвэржүүлдэг тул эрүүл веган хооллолтод маш сайн нэмэлт болдог. Үүнийг уураар жигнэж, эсвэл шинээр нь салатанд хийж идэн, таашаагаарай. (Bs Minh Hạnh)

АНУ-д КОВИД-19 цар тахлын дараа эрүүл мэндийн салбарт ажиллах ажилтнуудын хомсдол болон хяналт сул байснаас болж хуурамч сувилагчдын тоо нэмэгдэж, 2016 оноос хойш хэдэн мянган хүн баригджээ. (VnExpress)

Германд хийсэн судалгаагаар харшлын хамрын шүршигч азеластин нь КОВИД-19-өөс урьдчилан сэргийлэхэд тусалж магадгүй ба үргэлж хэрэглэдэг хүмүүст халдвар гурав дахин бага гарсан байна. (Newser)

[Украйн (Урейн)-ы] Стрий дүүргийн хоёр зочид буудал тахианы махнаас үүссэн сальмонелла халдварын улмаас 17 хүүхэд эмнэлэгт хэвтсэний дараа торгууль төлжээ. (Межа)

АНУ: Гэрт хоол хүргэх үйлчилгээгээр дамжуулан хүргэгдсэн салмонеллагаар бохирдсон тахиа, үхрийн мах идсэний дараа дор хаяж 16 хүн өвдөж, 7 хүн эмнэлэгт хэвтэн эмчлүүлж байна. (CBS)

Герман, Португалид шинэ H5N1 шувууны ханиад дэгдэж, 1000 гаруй шувуу-хүнийг устгажээ. Мэргэжилтнүүд вирус Европ даяар, тэр дундаа хөхтөн амьтдад тархаж байгаа тул биологийн аюулгүй байдлыг чангатгахыг уриалж байна. (VTV.vn)

АНУ: H5N1 шувууны ханиад Техас дахь өөр нэг үхрийн фермд болон Өмнөд Дакотагийн цацагт хяруул-хүмүүс тэжээдэг фермээс илэрсэн бол Калифорнийн нэг хүүхэд хүрээлэн буй орчноосоо H5N1-ийг авсан байх магадлалтай байна. Энэ нь нууцаар, чимээгүй тархаж байгаа нь санаа зовниулах боллоо. (CIDRAP)

[АНУ-ын Калифорни мужийн] Йоло тойрог бохир усанд КОВИД-ын түвшин нэмэгдэж, ялангуяа Сакраменто, Сан Франциско зэрэг хотуудад яаралтай тусламжаар үзүүлэх нь нэмэгдэж байгаатай холбоотойгоор амны хаалт зүүхийг олон нийтэд уриалж байна. (Newsweek)

Австри, Чех, Унгар, Словак улсуудад А гепатитын тохиолдол эрс нэмэгджээ. Бүгд Найрамдах Чех улсад энэ жил 1300 гаруй тохиолдол, 15 нас баралт бүртгэгдэж, цыган болон орон гэргүй иргэд хамгийн ихээр өртөж байна. (VBT)

Тайвань (Формоса)-ийн өмнөд хэсэг Тайнань хотын ойролцоо 4.1 баллын хүчтэй газар хөдлөлт болов. (Тайбей Таймс)

[Ау Лак (Вьетнам)-ын] Лам Дон аймагт Кам Ли гол үерлэснээс үүдэн хэдэн зуун хүн орон гэргүй болж, гэр орнууд нь нуран, Үндэсний хурдны 20-р зам хаагджээ. (VnExpress)

Шинэ судалгаагаар хүлэмжийн хийн ялгаруулалт Африкийн халууны давлагааны эрчийг гэнэтийн байдлаар нэмэгдүүлж байгаа бөгөөд Африк, Өмнөд Европт үүсэж буй хэт халуун нь үхлийн аюултай гал түймэр болон халуунд цохиулах өвчнийг үүсгэж байгааг анхааруулав. (Inside Climate News)

Швейцарын ахалсан судалгаагаар ямар ч ганц тариалалтын арга хоол хүнс, экосистемийн олон янз байдлыг аль алиныг нь баталгаажуулдаггүйг тогтоожээ. Судалгааны үр дүн байгалийн хамгаалалттай ургацыг тэнцвэржүүлэхийн тулд орон нутгийн шийдэл, төрөл бүрийн тариалалт, урт хугацааны хөрсний эрүүл мэндийн ач холбогдлыг онцолсон холимог арга ихэвчлэн хамгийн сайн үр ашигтай байдгийг харуулж байна. (Earth.com)

Ази-Номхон далайн бүс нутгийнхан сүү сүүн бүтээгдэхүүнээс эрүүл, байгальд ээлтэй ундаа руу шилжих ажлыг тэргүүлж буй тул веган ундааны зах зээл 2024 онд 33 тэрбум ам.доллароос 2033 он гэхэд 62 тэрбум ам.доллар болж, хоёр дахин нэмэгдэх төлөвтэй байна. (IMARC Group)

[Энэтхэг]-ийн Мегхалая дахь Зүүн Хаси Хиллс дүүрэг бухын тулааныг хориглолоо. Учир нь хууль бус наадмын арга хэмжээнүүд үндэсний амьтны сайн сайхан байдлын хууль, 2014 оны Дээд шүүхийн шийдвэрийг зөрчдөг ажээ. (The Times of India)

АНУ-ын ашгийн бус Animal Rescue Corps-ийг үүсгэн байгуулагч, ерөнхийлөгч Тим Вүүдуард (веган) 2011оноос хойш хүчирхийлэлд өртөж, хаягдсан 10,000 гаруй амьтан-хүнийг аварсан тул CNN-ийн 2025 оны баатар хэмээн нэрлэгдэв. (CNN)

[Ау Лак (Вьетнам)-ын] Конь Дао үндэсний цэцэрлэгт хүрээлэн 5 ховор никобар тагтаа-хүнийг гэмтсэн байхыг нутгийн иргэд олсны дараа асрах зорилгоор хүлээн авчээ. Тэд эдгэрснийхээ дараа суллагдах болно. (VTV.vn)

[Ау Лак (Вьетнам)-ын] Винь хот: Дөрвөн настай овсгоотой хүү Нгуиень Ань Куань үеэлээ бохир усны сувагт унасны дараа насанд хүрэгчдэд мэдэгдэж, амийг нь аврахад тусалжээ. (VnExpress)

[Ау Лак (Вьетнам)-ын] Донг Наид гал сөнөөгчид 20 метрийн гүн худагт шөнө санамсаргүй унасан 60 настай эрэгтэйг олс, хүчилтөрөгч ашиглан аварсан байна. (baotintuc.vn)

[Хятадын] Гуйжоугийн жуулчид борооны дараа урсаж буй голын усанд боогдсон хүүг аврахын тулд хүний ​​хана босгож, аварсан бөгөөд уг ажиллагааг Сяо Фэн гэгч эр удирдан явуулжээ. (Сайн мэдээний сүлжээ)

[АНУ-ын] Мичиганы албаныхан аялан явдаг амьтны хүрээлэн дэх хүчирхийлэлд өртсөн 126 амьтан-хүнийг аварч, авран хамгаалах төвд шилжүүлсэн байна. Амьтны хүрээлэнгийн эзэн амьтан-хүнд хэрцгий хандсан хэргээр ял сонсох болжээ. (MLive)

[АНУ-ын Техас мужийн] Ричардсон: Загас агнуурын олсонд орооцолдсон хөг дэглий-хүнийг зэрлэг амьтны мэргэжилтэн Сандри Рамосын удирдсан аврагчид завь болон тусгай багаж ашиглан чөлөөлж, нөхөн сэргээх төвд хүргэв. (NBC DFW)

[Ау Лак (Вьетнам)-ын] Хун Йенийн албаныхан ховор пайтон могой-хүн, макак-хүнийг Хоан Лиень зэрлэг амьтныг хамгаалах, аялал жуулчлалын төвд шилжүүлэн, асран хамгаалж, эцэст нь зэрлэг байгальд тавьжээ. (Хун Йень)

ИБУИНВУ-ын иргэн Тревор Гүүдолл 1995 онд ихэр хөвгүүдээ алдсанаас хойш нярай хүүхдийн яаралтай тусламжийн “Шинэ амьдрал” нэртэй буяны байгууллагынхаа шугамаар 2.7 сая гаруй ам.долларын хандив цуглуулж, BBC-гийн Өөрчлөлт хийе шагналд нэр дэвшсэн байна. (Хүмүүс)

Америкийн хууль сахиулах ажилтан асан ЛаМар Диксон клиник үхэлд орж, эндэхээс илүү бодит ертөнцөд сэрсэн тухайгаа өгүүлжээ.

ЛаМар шашныг хагас дутуу баримталдаг гэр бүлд өсөж, сүмд хааяа явдаг байв. Хүүхэд байхдаа баптисм хүртсэн тэрээр шашныг ойлгохгүй, сүмийг голчлон хувцаслах, ариун ёслолд оролцох газар гэж боддог байжээ. Өсвөр насандаа тэрээр сургаал гэхээсээ илүү сайн хүн байх ёстой гэж үзэн, сүнслэг байдал, шашингүйн хоёрын хооронд эргэлзэж байв. Тэрээр ядарч ирсэн өдрийн дараа унтаж байхдаа клиник үхэлд орсон бөгөөд энэ нь эмчлэгдээгүй нойронд амьсгал тасалдах эмгэгээс үүдэлтэй ажээ.

Гэнэт “сүнслэг нүд”-ээр сэрэхдээ ЛаМар үхсэнээ шууд мэдээд “Өө үгүй ээ, би үхчихжээ.” гэж бодсон байна. Гайхамшигтай гялалзах галактик, оддоор хүрээлэгдсэн Дэлхийг алсад бүдгэрч байхыг харж, гэрийнхэн болон ихэр дүүгийнх нь тухай бодол холын холд дурсамж болон замхрав.

Сансар огторгуйд агуу байдалд автсан ЛаМар мэдлэгийн “татаж авах” байдлыг хүлээн авч, өөрийгөө удирдан чиглүүлсэн амьдралыг тоймлон харжээ. Тэрээр амлалтаа биелүүлээгүй, алдсан боломжуудынхаа талаар дээд Би-тэйгээ мэтгэлцэж, өөрийгөө хатуу шүүж байлаа. Тэрээр бидний доторх “дээд” биднийг хариуцлагатай болгодгийг ойлгон, хүмүүст илүү сайн хандаагүйдээ харамсаж байв. Тэрээр бүх хүний ​​ухамсар бол нэг далай, сүнс бүр дусал мэт гэдгийг мэдэрчээ. Тусгаарлагдсан түүнд ганцаардсан мэт санагдаж, харин дахин нэгтгэгдэхэд дэлхийн зааглагдсан байдал бүдгэрэн алга болов.

Дараа нь “хайрын хөнжил” түүнийг яг л эх хүн шиг бүрхэж, түүний бодол ачаа биш, харин сургамж гэдгийг үггүйгээр итгүүлэн, тэр үнэхээр асар их хайрлагддаг болохыг харуулжээ. Тайвширсан ЛаМар өөрийгөө 360 градуст харж чаддаг ухамсрын бөмбөг мэтээр мэдэрсэн байна. Доошоо харахад ямар ч биет харагдсангүй, зөвхөн орчлон ертөнц даяар уур манангаар дүүрсэн тунгалаг хонгил л байв. Ердөө бодох төдийд л тэрээр дотор нь орчихсон, од, галактикуудын хажуугаар зүүн тийш хөдөлж, аз жаргалыг мэдрэх зуураа амьдралын зорилгын талаарх татаж авалтуудыг хүлээн авч, дараа нь устгасан тул түүний Дэлхий дээрх сургамжууд хэвээр үлджээ.

ЛаМар үл үзэгдэх, амьд өнгө цацруулж буй өргөн уудам, лугшилттай, бөмбөрцөг хэлбэртэй байгууламжид ойртож ирэв. Энэ бол түүний сүнсний “гэр” байлаа. Тэрээр нэгдэн, энерги нь бөөмс болон уусаж эхлэхэд нэгэн агуу Хүч түүнийг зогсоон, “Хэрвээ чи энэ цэгээс цааш явбал би чамайг буцааж авчирч чадахгүй. Чиний цаг болоогүй байна” гэжээ. ЛаМар үүнийг шударга бус гэж үзэн эсэргүүцсэн хэдий ч дараа нь өөрийн дургүйцэл болон дуусгаагүй зорилгууд нь өөрийнх нь бэлэн бус байдлыг илтгэснийг ухаарсан байна.

Түүнийг буцаахад унаж буй мэт болж, стресс болон “муухай долгионууд”-ыг авч байлаа. Бие рүүгээ хүчтэй цохигдон орж ирэхдээ тэрээр өөрийгөө “муухай, өмхий махан уут” мэтээр мэдэрч, гэмшил, шүүлтэд дарагджээ. Хөлс нь асгарсан байдалтай сэрсэн тэрээр татвалзан амьсгаа авав. Тэр үед эхнэр нь орж ирэн, дахин дайралтад орсон эсэхийг асуужээ. Тэрээр “Үгүй ээ, би үхчхээд дөнгөж сая буцаж ирлээ.” гэв.

Дараа нь ЛаМар тэрхүү Диваажингийн оронд үлдэхэд “хангалттай” биш байсан юм болов уу гэж бодон, сэтгэл гутралтай тэмцсэн байна. Тэрээр ганцаараа биш гэдгээ ухаарах хүртлээ клиник үхлийн тохиолдлуудыг маш их судалжээ. Тэрээр өөрийн ихэртэй хамт хүний ухамсрын тухай подкаст эхлүүлж, холбогдох орон зайг бий болгосон юм. Одоо тэрээр итгэл найдвар төрүүлэхийн тулд өөрт тохиолдсон явдлыг ярин, харь хүмүүсийг хайрлах нь зөв гэдгийг хэлж, тэд ганцаараа биш, бид бүгд нэг гэдгийг хүмүүст сануулж байна. (Хийтер Тэшээс чинагш)

Өдрийн ухааруулах эшлэл: “Өөртөө хүсээгүй зүйлээ бусдад бүү тулга.” – Хүндэт Гэгээрсэн Их Багш Күнз (цагаан хоолтон)