ਗ੍ਰਹਿ ਨੂੰ ਬਚਾਉਣ ਲਈ ਜੈਵਿਕ ਸ਼ਾਕਾਹਾਰੀ ਬਣੋ,ਤੇਰਵਾਂ ਭਾਗ

ਅਗਲਾ ਸਵਾਲ ਟੋਗੋ ਤੋਂ ਮੈਡਮ ਵਿਕਟੋਰੀਨ ਅੰਕੁਡੇ ਦਾ ਹੈ। ਉਹ ਲੋਮੇ ਵਿੱਚ ਇੱਕ ਸ਼ਾਕਾਹਾਰੀ (ਵੀਗਨ) ਕਿੰਡਰਗਾਰਟਨ ਦੀ ਡਾਇਰੈਕਟਰ ਹੈ ਅਤੇ ਉਹ ਇੱਕ ਵੀਗਨ ਹੈ। (ਸਵਾਗਤ ਹੈ, ਮੈਡਮ।)

Mme Ankude Victorine: ਪਿਆਰੇ ਸਤਿਗੁਰੂ ਜੀ, ਮੈਂ ਇੱਕ ਐਲੀਮੈਂਟਰੀ ਸਕੂਲ ਦੀ ਡਾਇਰੈਕਟਰ ਹਾਂ, ਅਤੇ ਮੈਂ ਕੈਫੇਟੇਰੀਆ ਵਿੱਚ ਬੱਚਿਆਂ ਨੂੰ ਵੀਗਨ ਪਕਵਾਨ ਪਰੋਸਦੀ ਹਾਂ। ਬੇਸ਼ੱਕ, ਮਾਪੇ ਸਹਿਮਤ ਹਨ। ਪਰ ਮੈਨੂੰ ਦੁੱਖ ਇਸ ਗੱਲ ਦਾ ਹੈ ਕਿ ਬੱਚੇ ਸਕੂਲ ਵਿੱਚ ਹੀ ਵੀਗਨ ਖਾ ਸਕਦੇ ਹਨ। ਘਰ ਵਿੱਚ, ਵਿਦਿਆਰਥੀ ਨਾ ਚਾਹੁੰਦਿਆਂ ਵੀ ਦੁਬਾਰਾ ਮਾਸ ਖਾਣਾ ਸ਼ੁਰੂ ਕਰ ਦਿੰਦੇ ਹਨ। ਤੁਸੀਂ ਮੈਨੂੰ ਮਾਪਿਆਂ ਨੂੰ ਆਪਣੇ ਬੱਚਿਆਂ ਨੂੰ ਵੀਗਨ ਭੋਜਨ ਖੁਆਉਣਾ ਜਾਰੀ ਰੱਖਣ ਲਈ ਉਤਸ਼ਾਹਿਤ ਕਰਨ ਲਈ ਕੀ ਸਲਾਹ ਦੇ ਸਕਦੇ ਹੋ? ਤੁਹਾਡਾ ਧੰਨਵਾਦ, ਸਤਿਗੁਰੂ ਜੀ।

Master: ਹਾਂਜੀ, ਮੈਡਮ। ਇਹ ਸੁਣ ਕੇ ਮੈਨੂੰ ਵੀ ਦੁੱਖ ਹੁੰਦਾ ਹੈ। ਮੈਡਮ ਡਾਇਰੈਕਟਰ, ਸਭ ਤੋਂ ਪਹਿਲਾਂ, ਬੱਚਿਆਂ ਦੇ ਪਿਆਰ ਅਤੇ ਤੁਹਾਡੇ ਨੇਕ ਯਤਨਾਂ ਲਈ ਤੁਹਾਡਾ ਧੰਨਵਾਦ। ਪ੍ਰਮਾਤਮਾ ਤੁਹਾਨੂੰ ਬਹੁਤ ਅਸੀਸ ਦੇਵੇ। ਤੁਸੀਂ ਜੋ ਕਰ ਰਹੇ ਹੋ ਉਹ ਪਹਿਲਾਂ ਹੀ ਸ਼ਾਨਦਾਰ ਹੈ। ਜੇਕਰ ਬੱਚਿਆਂ ਵਿੱਚ ਖੁਦ ਵੀਗਨ ਬਣਨ ਦੀ ਸੱਚੀ ਪ੍ਰੇਰਣਾ ਹੈ, ਤਾਂ ਤੁਸੀਂ ਪਹਿਲਾਂ ਹੀ ਇੱਕ ਪੀੜ੍ਹੀ ਨੂੰ ਬਦਲਣ ਵਿੱਚ ਮਦਦ ਕਰ ਚੁੱਕੇ ਹੋ। ਪਰ ਇਸ ਦੌਰਾਨ, ਸ਼ਾਇਦ ਕੁਝ ਪਕਵਾਨ ਹਨ ਜੋ ਤੁਸੀਂ ਮਾਪਿਆਂ ਨਾਲ ਸਾਂਝੇ ਕਰ ਸਕਦੇ ਹੋ। ਮਾਪਿਆਂ ਨੂੰ ਚੰਗੇ ਵੀਗਨ ਭੋਜਨ ਅਤੇ ਮੌਜ-ਮਸਤੀ ਦੀ ਇੱਕ ਰਾਤ ਲਈ ਸਕੂਲ ਸੱਦਾ ਦਿਓ। ਤੁਸੀਂ ਨੁਸਖਿਆਂ ਨੂੰ ਘਰ ਵੀ ਭੇਜ ਸਕਦੇ ਹੋ, ਜਾਂ ਨੁਸਖਿਆਂ ਨੂੰ ਘਰ ਲੈ ਜਾ ਸਕਦੇ ਹੋ।

ਇਸ ਤੋਂ ਇਲਾਵਾ, ਤੁਸੀਂ ਮਾਪਿਆਂ ਨਾਲ ਇੱਕ ਅਧਿਐਨ ਦੇ ਨਤੀਜੇ ਸਾਂਝੇ ਕਰ ਸਕਦੇ ਹੋ ਜਿਸ ਵਿੱਚ ਪਾਇਆ ਗਿਆ ਹੈ ਕਿ ਜੋ ਬੱਚੇ ਜ਼ਿਆਦਾ ਹੁਸ਼ਿਆਰ ਹੁੰਦੇ ਹਨ, ਉਹ ਵਡੇ ਹੋ ਰਹੇ ਸ਼ਾਕਾਹਾਰੀ ਹੁੰਦੇ ਹਨ। ਯੂਨਾਈਟਿਡ ਕਿੰਗਡਮ ਵਿੱਚ, ਖੋਜਕਰਤਾਵਾਂ ਨੇ 10 ਸਾਲ ਦੀ ਉਮਰ ਵਿੱਚ ਅਤੇ ਫਿਰ ਬਾਲਗਤਾ ਵਿੱਚ ਬੱਚਿਆਂ ਦੇ ਇੱਕ ਸਮੂਹ ਦਾ ਆਈਕਿਊ ਮਾਪਿਆ। ਇਹ ਪਾਇਆ ਗਿਆ ਕਿ ਆਈਕਿਊ ਵਿੱਚ ਹਰ 15-ਪੁਆਇੰਟ ਵਾਧੇ ਲਈ, ਵਿਅਕਤੀ ਦੇ ਸ਼ਾਕਾਹਾਰੀ ਹੋਣ ਦੀ ਸੰਭਾਵਨਾ 38% ਵੱਧ ਜਾਂਦੀ ਹੈ! ਅਜਿਹੇ ਬਹੁਤ ਸਾਰੇ ਮਾਮਲੇ ਵੀ ਹਨ ਜਿੱਥੇ ਬੱਚੇ ਖੁਦ ਆਪਣੇ ਮਾਪਿਆਂ ਨੂੰ ਵੀਗਨ ਖੁਰਾਕ ਦੇ ਫਾਇਦਿਆਂ ਬਾਰੇ ਜਾਗਰੂਕਤਾ ਅਤੇ ਉਤਸ਼ਾਹ ਦਿੰਦੇ ਹਨ।

ਅਸੀਂ ਉਨ੍ਹਾਂ ਨੂੰ (ਜਾਨਵਰਾਂ-ਲੋਕਾਂ) ਦੇ ਮਾਸ ਦੇ ਕੁਝ ਨੁਕਸਾਨਾਂ ਅਤੇ ਵੀਗਨ ਹੋਣ ਦੇ ਫਾਇਦਿਆਂ ਬਾਰੇ ਜਾਣਕਾਰੀ ਦੇਣ ਵਾਲੇ ਹੈਂਡਆਉਟ ਵੀ ਦੇ ਸਕਦੇ ਹਾਂ, ਜੋ ਸਾਡੇ ਐਸੋਸੀਏਸ਼ਨ ਦੇ ਮੈਂਬਰ ਤੁਹਾਡੇ ਲਈ ਪ੍ਰਦਾਨ ਕਰਨ ਵਿੱਚ ਖੁਸ਼ ਹੋਣਗੇ। ਦੂਜੀ ਚੀਜ਼ ਜੋ ਤੁਸੀਂ ਕਰ ਸਕਦੇ ਹੋ ਉਹ ਹੈ ਬੱਚਿਆਂ ਨੂੰ ਬਹੁਤ ਹੀ ਸਾਦੇ ਪਕਵਾਨ ਦਿਖਾਉਣਾ ਜੋ ਉਹ ਖੁਦ ਤਿਆਰ ਕਰ ਸਕਦੇ ਹਨ। ਇੱਕ ਸਾਦਾ ਚੌਲ ਅਤੇ ਤਿਲ-ਵਾਲਾ ਪਕਵਾਨ ਵੀ ਸੁਆਦੀ ਅਤੇ ਸੰਤੁਸ਼ਟੀਜਨਕ ਹੋ ਸਕਦਾ ਹੈ, ਅਤੇ ਬਣਾਉਣਾ ਬਹੁਤ ਆਸਾਨ ਹੈ। ਇਸ ਤਰਾਂ, ਬੱਚਾ ਵਧੇਰੇ ਸੁਤੰਤਰ ਮਹਿਸੂਸ ਕਰ ਸਕਦਾ ਹੈ ਅਤੇ ਮਾਪਿਆਂ ਨੂੰ ਆਪਣੇ ਤਿਆਰ ਕੀਤੇ ਕੁਝ ਖਾਣੇ ਦੀ ਪੇਸ਼ਕਸ਼ ਵੀ ਕਰ ਸਕਦਾ ਹੈ। ਇੱਕ ਵਾਰ ਜਦੋਂ ਮਾਪੇ ਘੱਟੋ-ਘੱਟ ਇਸ ਸੰਕਲਪ ਨੂੰ ਸਵੀਕਾਰ ਕਰ ਲੈਂਦੇ ਹਨ, ਤਾਂ ਉਹ ਸ਼ਾਇਦ ਵਧੇਰੇ ਖੁੱਲ੍ਹੇ ਹੋਣਗੇ ਅਤੇ ਸ਼ਾਇਦ ਖੁਦ ਵੀਗਨ ਬਣ ਜਾਣਗੇ। ਸੋ, ਬੱਚੇ ਦੀ ਮਦਦ ਨਾਲ ਇੱਕ ਗੱਲਬਾਤ ਸ਼ੁਰੂ ਕਰਨ ਦੀ ਪੂਰੀ ਕੋਸ਼ਿਸ਼ ਕਰੋ ਅਤੇ ਦੇਖੋ ਕਿ ਕੀ ਮਾਪੇ ਇਸ ਧਰਤੀ- ਅਤੇ ਜੀਵਨ-ਰੱਖਿਅਕ ਖੁਰਾਕ ਲਈ ਆਪਣੇ ਦਿਲ ਅਤੇ ਦਿਮਾਗ ਖੋਲ੍ਹ ਸਕਦੇ ਹਨ। ਬਹੁਤ ਸਾਰੇ ਮਾਪਿਆਂ ਨੇ ਇਸਨੂੰ ਅਜ਼ਮਾਇਆ ਹੈ।

ਉਨ੍ਹਾਂ ਵਿੱਚੋਂ ਬਹੁਤ ਸਾਰੇ ਇਹ ਦੇਖ ਕੇ ਸੰਤੁਸ਼ਟ ਹੋਏ ਕਿ ਉਨ੍ਹਾਂ ਦੇ ਬੱਚਿਆਂ ਨੂੰ ਇਸ ਤੋਂ ਕਿਵੇਂ ਲਾਭ ਹੁੰਦਾ ਹੈ, ਜਿਵੇਂ ਕਿ ਉਨ੍ਹਾਂ ਦੀ ਸਿਹਤ ਬਿਹਤਰ ਹੈ, ਉਹ ਵਧੇਰੇ ਬੁੱਧੀਮਾਨ, ਵਧੇਰੇ ਆਗਿਆਕਾਰੀ, ਸਹਿਯੋਗੀ ਹਨ। ਉਨ੍ਹਾਂ ਦਾ ਸੁਭਾਅ ਵੀ ਬਿਹਤਰ ਹੈ। ਸੋ ਗੁਆਉਣ ਲਈ ਕੁਝ ਨਹੀਂ ਹੈ, ਸਿਰਫ਼ ਹਾਸਲ ਕਰਨਾ ਹੈ। ਮੈਡਮ, ਤੁਸੀਂ ਜੋ ਕਰ ਰਹੇ ਹੋ, ਉਸ ਲਈ ਤੁਹਾਡਾ ਧੰਨਵਾਦ, ਅਤੇ ਪ੍ਰਮਾਤਮਾ ਤੁਹਾਨੂੰ ਅਸੀਸ ਦੇਵੇ। ਪ੍ਰਮਾਤਮਾ ਤੁਹਾਡੇ ਵਿਦਿਆਰਥੀਆਂ ਨੂੰ ਅਸੀਸ ਦੇਵੇ ਅਤੇ ਤੁਸੀਂ ਮਾਪਿਆਂ ਨੂੰ ਆਪਣੇ ਬੱਚਿਆਂ ਅਤੇ ਆਪਣੇ ਆਪ ਨੂੰ ਦਿਆਲੂ, ਸਰਬ-ਪ੍ਰੇਮੀ, ਅਨੰਦਮਈ, ਸਿਹਤਮੰਦ, ਸ਼ਾਨਦਾਰ ਵੀਗਨ ਖੁਰਾਕ ਦੇਣ ਲਈ ਮਨਾਉਣ ਵਿੱਚ ਸਫਲ ਹੋਵੋ। (ਤੁਹਾਡਾ ਧੰਨਵਾਦ, ਸਤਿਗੁਰੂ ਜੀ।) ਤੁਹਾਡੇ ਸਾਰੇ ਜਵਾਬਾਂ ਲਈ ਤੁਹਾਡਾ ਬਹੁਤ ਧੰਨਵਾਦ।) ਤੁਹਾਡਾ ਸਵਾਗਤ ਹੈ।

(ਸਤਿਗੁਰੂ ਜੀ, ਇਸ ਸ਼ਾਕਾਹਾਰੀ (ਵੀਗਨ) ਸਕੂਲ ਦੇ ਬੱਚਿਆਂ ਨੇ ਅੱਜ ਰਾਤ ਤੁਹਾਡੇ ਲਈ ਚਾਰ ਗਾਣੇ ਤਿਆਰ ਕੀਤੇ। (ਓਹ।) ਕੀ ਤੁਸੀਂ ਹੁਣ ਉਨ੍ਹਾਂ ਨੂੰ ਸੁਣਨਾ ਚਾਹੋਗੇ?) ਓਹ, ਵਾਹ! ਬਿਲਕੁਲ! ਮੈਂ ਬਹੁਤ ਖੁਸ਼ ਹਾਂ! […] ਵਾਹ। ਤੁਹਾਡਾ ਬਹੁਤ ਬਹੁਤ ਧੰਨਵਾਦ। ਮੈਂ ਬਹੁਤ ਪ੍ਰਭਾਵਿਤ ਹੋਈ! ਵਾਹ। ਉਹ ਬਹੁਤ ਸੁੰਦਰ ਅਤੇ ਬਹੁਤ ਚਲਾਕ ਹਨ! ਅਜਿਹੇ ਸੋਹਣੇ ਬੱਚੇ। ਬਹੁਤ ਸਿਹਤਮੰਦ। ਪਿਆਰੇ। ਪ੍ਰਮਾਤਮਾ ਤੁਹਾਨੂੰ ਬਹੁਤ ਅਸੀਸ ਦੇਵੇ, ਪਿਆਰਿਓ। ਤੁਹਾਡਾ ਧੰਨਵਾਦ, ਸੁੰਦਰ ਬੱਚਿਓ, ਤੁਹਾਡਾ ਧੰਨਵਾਦ! ਪ੍ਰਮਾਤਮਾ ਤੁਹਾਡਾ ਭਲਾ ਕਰੇ। (ਤੁਹਾਡਾ ਧੰਨਵਾਦ, ਸਤਿਗੁਰੂ ਜੀ।)

Photo Caption: ਕਿਸੇ ਨੂੰ ਤਾਂ ਅਗਵਾਈ ਕਰਨੀ ਹੀ ਪੈਂਦੀ ਹੈ, ਪਰ ਪਿਆਰ, ਸੁੰਦਰਤਾ ਅਤੇ ਮਹਿਮਾ ਨਾਲ

ਫੋਟੋ ਡਾਊਨਲੋਡ ਕਰੋ