Дэлгэрэнгүй
Татаж авах Docx
Дэлгэрэнгүй уншаарай
Хүмүүс намайг чамд ид шид хэрэглэдэг гэж хэлдэг. Тийм ээ, тийм, тийм! Энэ үнэн. Би хунтайжийг Бурханы Хаант улс руу буцтал тарнидмаар байна.
Жаргаж буй наран доорх нэгэн уйтгарт үдэш, хаа сайгүй дотно аялгуу цуурайтна. Хүмүүний сэтгэл хөгжмийн эгшиг бүрийг даган, аялгууны дусал бүртэй хамт хөдлөх бөгөөд үүнд нь уяран нар нулимс унагаж, цэцэгс мэлмэрнэ. Цайвар шаргал товчлуур дээгүүр гоолиг сайхан гараа гүйлгэн Хагацлын үгсийг эгшиглүүлж байсан Хайртай хүнийхээ төрхийг санан Халуун зүрх нь эцэс төгсгөлгүй бэтгэрнэ. Оройн наранд шар эрвээхэй зорилгогүй ниснэ. Танай гэрээс төгөлдөр хуурын аялгуу уй гунигтай цуурайтна. Эртний нэгэн сэтгэл аялгуу дунд дахин мэгшинэ. Уйтгар гунигийн эх үүсвэрийг чи одоо ч сэтгэлдээ тээдэг үү? Тэрхүү уйтай үдшийн дууг би маш тод сонссон Ай, чиний ганцаардсан хуруунуудаас Алтан аялгуу урсан ирнэ! Ай, чи санамсаргүйгээр зүрхний минь утсыг хөндөж, Хайрын өнгөрсөн дурсамжуудыг энэ үдэш сэргээчихлээ Үдшийн гийчин байсан мэт Төгөлдөр хуурын цуурайнд чиний дүр мөнхөд үлджээ Ай, тэрхүү хайр татам нүд, намуухан хөмсөг, урт сормуус, Дөлгөөн урсгал шиг гунигтайхан намирсан гоо бүсгүйн үс Цасан цагаан гар нь цайвар шаргал товчлуур дээгүүр гулгана Шаналсан зүрх нулимс дунд хайлан урсана. Сайхан аялгуугаа зогсоож хайрла, хонгор минь. Сэтгэл зүсэм хагацлыг минь зөөллөж өгөөч. Нүдэнд чинь гунигийн сүүдэр бүү тусаасай Тэгвээс эх нутгаа санах зүрх минь зогсоно шүү. Энэ үдэш нарны гэрэл ханан дээр гунигтайхан тусна Эрвээхэйн далавчны дэвэлтээс зөөлөн салхи сэвэлзэнэ. Үелзэх давлагааны ганцаардлыг үл анзаарах юм даа. Яг миний зүрхэнд хөгжим эгшиглэж, Танай гэрээс төгөлдөр хуурын аялгуу уй гунигтай цуурайтна. Хүний хувь тавилан богинохон бөгөөд хуурмаг, хүмүүсийг үхэх төрөхийн хүрдэнд түлхэн оруулдаг. Аль нь хуурмаг вэ? Аль нь жинхэнэ вэ? Сэтгэл өөрөөсөө ингэж олонтоо асуух аж. Өнгөрсөн шөнө би судар уншиж байна гэж зүүдэллээ. Сэрээд гэнэт өөрийгөө сар байсныг мэдэв! Ганга мөрний бүх элсний ширхэг Тоймгүй олон удаа төрөл авсны дайтай! Төөрөн хэсүүчилж, үйлийн үрд баригдсан хөөрхий оршихуй... Шувуу жиргэж, үүр цайчихлаа Цаг хугацаа бидний бүх найдварыг далдалжээ Гэнэн бид балар эрт цагаас хойш гүн нойронд автсаар иржээ. Гайхалтай сайхан шөнө зүүдээр дүүрэн байлаа Харин одоо би энэ дэлхийд хэдийнээ хөл тавьжээ Өнөө орой “Очироор огтлогч судар” уншина Хоосон чанар хийгээд оршихуй, бүгдийг хамаг төрөлтөнтэй хуваалцъя Зүүдэндээ би гялалзсан цэцэг харлаа Одоо сэрээд өөрөө өөртөө инээмсэглэлээ Гараа дэлгэн зовлонт ертөнцийг тэвэрлээ Гэвч зүрх сэтгэл тоймгүй олон солигдсон төрлийн айдас түгшүүрийг мэддэг! Эрт дээр үед Жуанзы Эрвээхэй тэр хоёрын хэн нь хэн рүүгээ харж байна хэмээн эргэлзэж байв. Одоо хавар ирлээ, сэтгэл гансарна Цайрсан өвөл шиг гандсан нөмрөг... Амьдралын энэ мөрөн дунд чимэг болгохоор Өөрсдөдөө сарнай бэлэглэе Анхилуун үнэр нь орчлон ертөнцийн хайрыг шингээжээ Эртний судрын мөрүүдэд би ховсдуулжээ. Шунал, хүсэл, уур хилэн, ухамсаргүй байдлын галд шатаж буй энэ дэлхийн гэрээс гаргах тээврийн хэрэгсэл лугаа Үнэний тухай номлол бол биднийг Сэхээрлийн эрэг рүү буцаан авчрах сал юм. Ийм гайхамшгийг сонсоод энэхүү эгэл ертөнцийн хүмүүс үүнийг зүгээр л хууран мэхлэлт гэж бодож болох ч Бодисадва (Гэгээнтэн)-гийн амлалт бол зол заяагүй мунхаг байдлаас үл хамааран хамаг төрөлтнийг аврах явдал юм. Хэзээ нэг цагт адис ерөөлийн хур хүн төрөлхтөн дээр жигд буун, энэрэн нигүүлсэхүйн үр дэлхий даяар шингэж, цэцэглэн ургах болно. Хүмүүс намайг чамд ид шид хэрэглэдэг гэж хэлдэг. Тийм ээ, тийм, тийм! Энэ үнэн. Би хунтайжийг Бурханы Хаант улс руу буцтал тарнидмаар байна. Ядарсан оршихуйгаа энэ доромжлолт гараг дээр чирээд явах нь юунд ашигтай гэж? Төөрөлдсөн сүнсээ тамирдуулах хэрэг байна гэж үү? Нааш ир, хонгор минь! Тоост хорвоод төөрсөн Сахиусан тэнгэр минь Нааш ир, гараас чинь атгая. Алс тэртээх нутаг руу Алс холын гэрэлт ирээдүй рүү явъя. Өсгийний чинь дээрх тоос алтаар гялалзах нутаг Хөлийн чинь доорх газар цэвэр эрдэнээр дүүрч гялайлгах нутаг. Үүний гайхамшгийг мэдэх л юм бол Үнэхээр баяр хөөртэйгөөр “үхэх” болно. Харин магтаж, таашаал авдаг доогуур хэлбэлзэлтэй энэ дэлхий Хамаг сэтгэлээс чинь чимээгүйхэн алга болно. Хязгааргүй уудамд хайлан одно. Жинхэнэ Хайрын сүр жавхланг хүчирхэгжүүлэгч хүч. Ээ дээ, эрхэм Сүнс минь Энэ бүхэн хийгээд илүү ихийг Би чамд амлаж байна!... Хэсэгхэн зуурын хайр байсан ч хүсэж тэмүүлэх нь үүрд үргэлжилнэ. Хайрын цэцэг ганцхан удаа дэлбээлдэг хэдий ч Анхилуун үнэр нь цагаан цайлган үеийг санагдуулна. “Өөрийг тань хайрлах болсондоо Диваажинд би талархана. Өөрийг тань хайрлах болсноо Амьдралынхаа турш санана.” Анх учирсан шигээ бие биеэ хайрлацгаая Нэг нэгнээ олон учирцгаая, тэгвэл хайр удаан үргэлжилнэ... Хайр шинэхэн байсан үе шиг бие биеэ дурсацгаая Бид удаан наслахгүй болохоор бие биеэ хайрлацгаая! Өөрийг тань хайрлах болсондоо Диваажинд би талархана. Өөрийг тань хайрлах болсноо Насан туршдаа санана. Насан туршдаа хэн нэгнийг хайрлах боломж гарсан бол Жинхэнэ хайрын вант улсад Зүрх минь даруу байх болно Амьдрал түр зуурыг мартана!... Маргааш шөнө бид салах байлаа ч Өнөөдөр би өөрт тань хайртай Мөнхийн сэтгэлээ өгье Мөнхийн хайраа өгье Маргааш шөнө бид салах байлаа ч Өнөөдөр би өөрт тань хайртай Мөнхийн сэтгэлээ өгье Мөнхийн хайраа өгье
